果真與眾不同 IFC公佈重磅星級聖誕節目 Event 假期生活 即時新聞 生活情報 親子 香港情況 by Ben Leung - 2022-12-15 IFC係今個聖誕為大家帶黎截然不同既聖誕節目,當中唔單止邀請到三位豐富演唱經驗既音樂家黎到香港為大家演唱聖誕歌曲,更加同官方聖誕老人村合作,塑造出芬蘭北極圈中既聖誕老人村,場景十分真實! 聖誕限定三重奏 由2022年12月16日至18日及23日至27日,IFC商場一樓中庭將會有由手風琴演奏家Dan、低音提琴手Frank以及歌手Kara為大家演奏爵士音樂三重奏。其中Dan擁有無與倫比既音樂造詣,擅長演奏歐洲各國曲風以至吉普賽及爵士音樂;Frank擁有超過20年演出經驗,曾經與唔同著名樂隊以及音樂人合作,包括:Orquestalos timidos以及Willy Calderon;Kara則係唔同亞洲地區都曾表演過,有既唔少既經驗,並且唔理係爵士樂、流行音樂定Bossa Nova,邊種音樂風格都識! 當中3位音樂人鄟十分專業! 以上三位經驗豐富既出色音樂家到時將會為大家獻上經典既聖誕曲目,就好似《All I want for Christmas is you》、《Rocking around the Christmas Tree》,並由爵士曲風演繹、充滿浪漫氣氛的《Fly Me To The Moon》、《Let It Snow》等等,令大家依個聖誕都可以感受到由爵士音樂帶黎既溫暖! 熱門打卡點 聖誕又可以冇打卡點,IFC係今個聖誕亦同舉世聞名既官方聖誕老人村合作係亞洲首度呈獻「Santa Claus Village聖誕老人村」聖誕裝置,並藉住依個機會去重塑位於芬蘭北極圈內羅瓦涅米既聖誕老人村、聖誕老人辦公室及聖誕老人郵政局。 大家寫完信仲可以係後面既信箱寄出去! 仲可以睇住聖誕老人做野! 同時,IFC亦特別設計了聖誕老婆婆烘焙店、聖誕精靈工作坊以及聖誕老人村大門,等大家一穿過ifc入口,就可以感受到充滿童話色彩以及濃厚傳統芬蘭聖誕氣氛既聖誕老人村,就好似親身去左北歐一樣,過一個難忘又開心既聖誕節! 親子亦十分歡迎係聖誕節一齊玩下! 隨機新聞容量再加倍 三星將為 QVO 系列 SSD 加設 8TB 型號小米又有新機出!4月25日玩 Google 原生機?小米手環 5 正式發表 189 人仔起 6.18 首賣Microsoft Edge加入「兒童模式」 小朋友上網更安全 1,580