成日話「香港人真係好鍾意返工」，冇野可以阻我返工揾食。有才又幽默嘅80 後插畫師 Catco Wong、筆名「戴恭濟」(打工仔諧音) ，以此為靈感，喺旺角 MOKO 新世紀廣場， 4 月 1 號到10 號，展出「港 sick 打工仔心聲展覽及打卡裝置」，用押韻抵死嘅廣東話，和職場人同聲同氣，Fun 享快樂，真係搞笑得來又令人好有共鳴！

鬼馬爆笑辦公室  

MOKO 特別於商場中庭打造咗一個「戴恭濟僞術公司」場景，請插畫師筆下主角到場，用幽默嘅方式，呈現辦公室血淚史，相信肯定會成爲打卡熱點。打工仔亦可將自己、公司同事對號入座，消消氣！一眾搞笑貼地成員包括： 最低層的「戴恭濟」、老細「魯貰」、財務部膠層「賈浩仁」、人力資源部老屎忽「呂迦方」、八卦是非精「史菲菁」，同埋擦鞋清潔姐姐「賴馬」；仲有專登為 MOKO 加入的新成員，分別有病入膏肓「宮珠柄」同一世為奴的「盧娣」。各為角色擺出人如其名的姿勢，加上抵死字句牌，譬如「呢單嘢真係唔係我跟開」、「我會反映㗎喇」等等，真係令人笑到肚痛，又令人感同身受。

打工仔金句 毒舌押韻惹人笑

同場更設有「戴恭濟」親自創作嘅打工仔心聲，用記事簿形式展出，等大家可以逐頁翻開。總共 30 句語錄，其中 5 個係從未曝光的新作，全部精警押韻，啜核出位，配合趣怪圖象，當中實有你喺公司「見識」過嘅人同事，包你會心微笑，大呼「爽呀」！快來睇下几句講中你心中情啦。

精選打工仔金句

• 「收錢做嘢嗰啲叫返工，免費做嘢嗰啲叫義工」
• 「返工早到係奉旨，放工準時係恩賜」
• 「貧窮限制想像，人工決定工作量」

仲有更多打工仔必睇「sad but true」嘅職場文化心聲，大家參觀後不妨打卡post上 IG 開心 share！

搞鬼貼地 WhatsApp/ Signal Sticker

「戴恭濟」都為 MOKO 獨家設計咗一套 15 款「港 sick 打工仔」WhatsApp/ Signal Sticker，用筆下盞鬼公司員工角色配合貼地語句，譬如「老細我不想努力了」、「幫緊你幫緊你」及「WHY ME?!」等，詼諧地分享打工仔心情。三月下旬仲可以喺MOKO Facebook/ Instagram 專頁透過指定連結，或於展覽期內掃瞄場內QR Code免費下載，為大家沉悶嘅日常生活帶來歡笑，輕鬆一下！

打工仔扮靚提神必備產品

除咗設置搞鬼展覽場景同語錄畀打工仔鬆一鬆，商場仲喺 4 月 1 號到 10 號，於場內中庭同 L1 舉行「打工密語」市集，屆時「戴恭濟」將帶來多款首次發售人氣新品，精緻趣怪，快來入手掃貨啦。同場還有辦公室必備提神美食及擺設精品，滿足你各種需求。

上班族高達75 折餐飲優惠

辛勤工作過後，用美食犒賞自己都不為過，MOKO 替一眾打工仔搜羅了獨家餐飲禮遇，油麻地、旺角或尖沙咀工作嘅上班族，只要到MOKO L1 顧客服務中心出示公司咭片登記，就可以成為 MOKO 特選客戶，優惠卡一卡在手， 即可盡享場內近 30 間高達 75 折的專屬餐飲優惠！另外，場內仲有亦高達 67 折下午茶優惠，無論是地道港式風味嘅西多士炸脾薯條、日式鬆餅，定係清爽嘅雪糕甜點，必定可以為打工仔提振精神！

除此之外，貼心的MOKO 揾來澳洲有機香薰護膚品牌 CANVAS， 舉行「紓緩頭痛有機香薰工作坊」，The Point 會員 4 月 3 號起。即可以指定積分於 The Point 手機應用程式內換領名額，精選香薰油調製專屬的紓緩頭痛香薰配方，工作事半功倍，時刻保持快樂！CANVAS 亦推出高達64 折的獨家美容優惠，帶來開心好日子鬆一鬆！

釋放壓力療癒心靈 

所謂「吊頸都要抖抖氣」，上班壓力大，放假就要擁抱大自然趕走壓力。MOKO 設有悠閒愜意的戶外空間，「MOKO GARDEN @ L3」集打卡裝置、戶外燈飾及小農圃於一身，到處花開草綠，十分愜意， 3 大文青打卡位，讓你享受被森森綠意環抱的感覺；入夜後，燦爛醉人的燈飾令周圍浪漫倍增，絕對是療癒心靈的最佳戶外享受。聽音樂亦可以幫助調節情緒，使身心放鬆，MOKO 於 4 月 16 號會舉行大專聯校歌唱比賽，美妙音樂縈繞商場，帶大家尋回那些年的青春。