今天開始，係灣仔合和中心House of Madison將會有Viabizzuno光之圖書館「See the Light」體驗，到時大家可以見識到光有幾咁靚，仲可以欣賞到唔同既建築美學。唔理係空間感定建築感上都可以為你帶黎滿滿既震撼！  

光之圖書館

光之圖書館位於House of Madison，當中既場景以全黑作為背景，等你係黑暗之中去感受光芒，從而達到「See the Light」，等你可以享受以光影打造的視覺盛宴，欣賞光線最純粹既美麗！創辦人兼設計總監Mario Nanni亦指出，點樣去展現出光線既美可以叫作一門藝術，光線就好似一本好既愛情小說一樣，需要被了解、詮釋及吸收。會場之中既燈飾採用Traccia既不規則系統，並覆蓋整幅牆壁，加上由白色盒子盛載著燈飾，令到光之圖書館俾人一種無限延伸既感覺。

焦點場景

其中之一個焦點場景就係Coppibartali，佢既靈感源自單車鏈條，Coppibartali燈飾連接住不同形態同空間，當中獨創既鏈條系統既其中一部分亦可以變為與別不同的檯燈或者係座地燈都得。更加使用左獨特物料，令到佢可以隨意摺疊或張開，為設計帶黎左無限可能性。

另一個焦點場景就伙Da Ma，仍係為為Valentino旗艦店訂製而設，由兩位建築及設計大師David Chipperfield同Mario Nanni攜手打造。當中既天然銅質胥同若干凹面透鏡重疊，令到光線可以透過鏡面不斷折射，除了作為點綴，仲可以提升空間感。

下一個場景就係Traccia Piu，Tracciapiù/plus直立式燈光結構，只需調整上下部分的支點便能完成。組件之間既電子連接十分方便，唔洗任何工具，都可以輕鬆調整建構。Traccia同時令複雜概念成真，唔理係結合層架，定為商業空間提供靈活豐富的展示形式，都可以做到。

最後一個場景就係n55® terra，n55®系統環保得黎又有高效能照明，仲可以大大減少能源和物料消耗，更加可以循環再用。n55® terra當中仲完美結合美學以及節約環保既概念，將燈飾設計帶到更高層次。

House of Madison
地址：灣仔皇后大道東183號合和中心