HONOR榮耀宣佈Magic5系列和Magic Vs即將全球推出，全新手機會以更高性能，以及由用戶體驗方面著手，藉此進行改善，為用戶帶黎更極致既使用體驗。新手機唔理係配置定使用上，都比以往更為出色！

Magic5系列正式登場

HONOR Magic5 系列將會跟隨以往繆斯之眼設計，以星輪三鏡頭布局，並應用大量曲線，加上 3D 智能仿形拋光工藝，成就高迪弧面，帶俾用家纖薄舒適既持握感受。當中更有同高通公司共同研發的獨立安全存儲芯片，為用戶帶黎安全保證！

HONOR Magic5 Pro 通過業界 IP68 等級防塵抗水，惡劣環境下使用亦相當出色。而且擁有全新升級的智慧隱私通話，透過判斷環境音量，智能切換隱私通話模式，保護用戶通話隱私同時，仲可以保證通話質量。

HONOR Magic Vs 既獨特性在於只有 267 克重，但就有 5000 mAh 電池，結構部件更從上一代既 92 個減少到得 4 個，並且鉸鏈有超強既耐用性，可承受 40 萬次折疊，基於鉸鏈既精密結構，HONOR Magic Vs 仲可以冇縫隙咁進行折疊，打開就只有一個幾乎完全平坦既屏幕，真係正到爆！

極致觀看體驗

HONOR Magic5 Pro 既 6.81 吋 LTPO 螢幕，搭配上四曲線浮動螢幕，以及雙亮度色彩校準，等大家唔理係睇網頁定打機，都有沉浸式既觀看體驗！再者，HONOR Magic5 Pro 既螢幕亮度峰值高達 1800 nits，等大家即使係戶外陽光下都可以睇得清清楚楚！

而 HONOR Magic Vs 則擁有 6.45 吋外部顯示螢幕，螢幕與機身比例達 90%，打開後，更會變成 7.9 吋內部螢幕。當中既動態調光技術，包括助眠顯示功能，更能有效地為用戶減少螢幕對眼睛造成既疲勞！

驚睇太耐手機會傷眼？HONOR Magic5系列擁有三大護眼技術加持，並有專業認證既低藍光螢幕，類自然光護眼技術，以及獨家助眠顯示功能，護眼方面毋須再擔心！

更優質的攝像體驗

HONOR Magic5 Pro 採用三主鏡頭，搭配最新 Qualcomm Snapdragon 8 Gen2處理器，MagicOS 7.1 系統，5100 mAh 電池，以及支援 66W 有線和 50W 無線榮耀增壓器，為用戶帶黎持久又高效既攝像體驗，三主鏡頭分別係：

• 5000 萬像素廣角主鏡頭：超大底傳感器，搭配 f/1.6 超大光圈，帶來更大進光量和更好畫質
• 5000 萬像素潛望式長焦主鏡頭：支持最高 100 倍數字變焦
• 5000 萬像素超廣角主鏡頭：支援 122° 超大視角和 2.5 cm 超級微距

HONOR Magic Vs 則採用 Qualcomm Snapdragon 8 Gen1 處理器，及 MagicOS 7.1 系統，帶黎更快、更順暢既用戶體驗。除左有多設備協作既 MagicRing 同智能文本識別既 Magic Text，更有智能多窗口以及 APP 擴展器，幫助用戶有效節省時間！HONOR Magic Vs 亦配備後置三鏡頭系統，分別為：

• 5400 萬像素 IMX800 主鏡頭
• 5000 萬像素超廣角和微距主鏡頭
• 800 萬像素三倍光學變焦鏡頭