「花之旅」迎接夢幻兔年打卡點伴隨市集一同出現

黎到兔年，新城市廣場．HomeSquare攜手為大家呈獻「花．團．錦簇」，當中除左有4個打卡熱點搭配唔同地方既文化，更有唔同既市集等大家可以準備好過新年，當然亦唔好錯過唔同既新年週邊！

4大夢幻打卡點

新城市廣場1期3樓拱型玻璃天幕廣場「首爾粉黛波波草」，大家係一片嬌艷粉色，圓滾滾、毛茸茸既波波草花海中將會見到萌兔係花叢向大家拜年！穿過和風滿溢的木橋，仲可以同4米高既萌兔合照，以韓式浪漫迎接全新一年！

去到新城市廣場3期3樓既「台北夢幻繡球花」，大家可以見到萌兔係繡球花前賣萌，而繡球花既花語是美滿及團聚，藉此祝願大家係新一年可以有美滿既生活以及團團圓圓！

下一站大家可以去到新城市廣場1期3樓戶外平台既「京都浪漫櫻花林」，當中會有可愛既萌兔陪大家一齊觀賞由粉紅同嫩白花瓣相交而成既漫天花海，帶俾大家一種係京都櫻花樹下既感覺！

最後一站大家可以去到HomeSquare一樓中庭既「千葉縣油菜花田」，黃澄澄既油菜花田搭配上鐵道列車，拍照打卡簡直係一流！而係活動期間更加會有「錦上添花市集」，大家打完卡仲可以去買心水既家居盆栽以及鮮花返屋企！

三大主題市集

三大主題既第一個主題就係童趣滿分既「GARFIELD新春市集」。當中有三大賀年打卡位，加菲將會同好友阿的化身為應節福兔，並用唔同既搞怪姿勢向各位拜年。市集亦會有一系列可愛既加菲造型精選產品，包括拍拍燈、環保袋及二合一座墊，及全新登場既限定賀年精品等等，啱曬一家大小黎打卡同埋辦年貨！

而花香滿溢既「錦上添花市集」就會有各種各樣既年花及盆景，其中包括：蘭花盆栽、多肉植物盆景，以及日式年花盆景等等，大家都可以揀一款啱心水既帶返屋企！

最後黎到週末限定既「品味市集」，一連三個周末合共16家特色攤位檔將會為各位帶黎各式各樣充滿特色既家品擺設以及潮流家居小物，包括日式陶瓷擺設，以及手工布藝等，等大家新一年可以好好好裝飾屋企既同時，亦可以選擇合適既年貨送給至親！

新年週邊

新城市廣場同HomeSquare亦為大家準備左幾款既新年週邊，就好似由著名設計師Ken Lo設計充滿沙田特色既「富貴河村」利是封套裝，當中一共四款設計，並將城門河、車公廟等地標配合賽龍舟、踏單車等沙田特色活動，同利是封融合埋一齊。The Point會員能以500會員積分＋$2,000即日電子貨幣消費換領；而非會員則能以電子貨幣即日消費滿HK$2,500換領。

而新城市廣場推出既「尊貴納福」利是袋，則以菱格作為主要設計，極具時尚感得黎，香檳金色更加突顯出簡潔高貴。The Point會員能以500會員積分＋$3,000即日電子貨幣消費換領；而非會員能以電子貨幣即日消費滿HK$3,500換領。

黎到HomeSquare亦推出「華貴吉祥」咕𠱸，亦同主打既家品及家具一樣，尊貴脫俗。The Point會員能以500會員積分＋$5,000即日電子貨幣消費換領；而非會員能以電子貨幣即日消費滿HK$6,000換領。

同時間，The Point會員於新城市廣場及HomeSquare即日消費合共滿HK$7,500，亦能以500會員積分換領「富貴河村」利是封套裝、「尊貴納福」利是袋及「華貴吉祥」咕𠱸，而非會員即日電子貨幣消費滿$8,000亦可換領同樣組合。

兔年新春系列產品

新年既到來，唔同既公司亦推出唔同既新系列產品，其中包括：The North Face推出「兔年新春系列」，注入中國喜慶常用既紅色設計，並以多彩兔子印花圖案帶出新春氣息；FURLA推出「2023新年別注系列」，高級手袋加入小兔子造型設計，可愛得黎又不失奢華，顯我十分大方；GODIVA推出「2023 新年限量巧克力系列」，當中既禮盒設計糅合傳統東方喜慶元素與西方生活美學，可以話你送禮既首選！