天氣突然開始涼左好多，冬天都就黎到，講到冬天又點可以唔講到企鵝。荃新天地由11月25日至2023年1月2日將會係場內開設唔同既活動，其中更加開設唔同既企鵝展覽，希望大家到時都可以玩得開心！  

三大遊樂專區

第一個遊樂專區就係「小企鵝大逃脫」，小朋友到時可以著住企鵝裝 ，變成一隻企鵝去滑行8米長既冰川滑梯同時避過以過千膠樽砌成的海浪天幕；第二個專區就係「小企鵝魚樂無窮」，小朋友係依個活動之中可以試下冰川釣魚既感受，魚池同魚都係由廢膠塑料等再生廢料組成，邊玩邊學野完全冇難度！最後一個專區就係十分考你平衡力既「小企鵝冰上漫步」，到時你會係浮冰上面漫步，但係記得唔好跌入水裹面變成殺人鯨的食物！

打卡勝地

活動之中仲有唔少既打卡勝地，其中包括以1,000個回收膠樽造成的5米高既巨型環保聖誕樹。想同小企鵝影相都冇問題！「數數小企鵝」幻視打卡區個到有一大班小企鵝等住你去搵佢地影相，中意企鵝既你一定唔可以錯過！

「冰極購物村」限定店

會場內仲會有海洋公園特設既「冰極購物村」，當中由環保物料製成既企鵝以及極地主題精品多不勝數，就好似有Eco Nation企鵝公仔、企鵝毛公仔背包、皇帝企鵝連企鵝寶寶，想買咩都有！

綠色生活

活動亦有親子環保工作坊，工作坊除左會專業環保藝術導師同生活藝術創建達人Busymama教咁多位家長同小朋友製作相冊之外，仲會教小朋友了解更多點減少製造廢物及循環再造，減慢氣候暖化，更加可以發揮他們的藝術觸覺，咁多位家長記得帶小朋友一齊去玩下！

商場1樓仲會有「Goodbye Plastic 回收資源教育中心」，唔理係綠色生活既資訊，仲會有塑膠回收教育工作坊，教授大家正確既知識同觀念；學完就緊係要實踐，荃新天地一直以黎都有膠樽及紙包飲品盒回收機，回收一個膠樽或紙包飲品盒就可以八達通獲取HK$0.1既現金回贈，而S+ REWARDS會員如果自備購物袋及自備外賣餐點工具都可以有HK$10 S現金券。最後，商場亦有開設唔同既環保活動，「Merry Christmas! Goodbye Plastic!」，企鵝油畫教學等等，如果大家有興趣了解更多都可以去返荃新天地睇更多相關資訊！