黎緊12月3同4日，家福會將會係九龍灣建造業零碳天地舉辦「惜」玩野樂園冬日玩樂市集。到時「最黐嫲嫲」既大細路同時身為「惜」玩大使既顧定軒亦會到場並唱歌支持，等大家星期六日都可以親子同樂！
五大「惜」玩元素
五大「惜」玩元素中包含住五個場區。第一個場區就係玩具漂流，家福會係活動前收集公眾唔再使用既玩具，並作消毒清潔。在活動當日，入場人士亦可以隨意挑選依種「唔再使用既玩具」，等其他人可以透過重用玩具去實踐「再用代替購買」。
第二個場景就係冬日玩樂市集。市集當中會有唔同類型手作攤檔及有獎遊戲攤位，等家長可以同小朋友一齊去揀啱心水既聖誕禮物。同時，入場人士仲有機會可以得到由插畫師Alohawasa設計既帆布袋，以及由商戶贊助既產品及購物禮券。
而係識玩工作坊，小朋友亦可以同家人一齊體驗以玩樂為主題既活動，其中有趣既活動包括：「飛行任務」大比拼親子體驗工作坊、「和『孩』共樂遊戲卡」、玩轉表達藝術工作坊等等，大家享受親子玩樂期間，參加者仲有機會獲得精美禮物。不過依個活動需要預先報名，如果大家想玩既記得要留意家福會社交媒體及網站既公佈！
場內更會有經典玩意裝飾，等大家可以睇返兒時玩意既裝飾，其中就有9米x9米既超巨型大富翁，有去現場睇既大家不妨打返張卡，等日後都可以回味返以前童年既玩樂時光！
最後一個場景就係玩野音樂會，「惜」玩大使顧定軒將會係12月3日下午十二時半至一時半到現場進行分享及為大家表演；除左顧定軒，大會更加邀請左唔同既表演單位參與，為大家帶黎多首經典卡通主題曲以及各類「玩」歌！