近日Google香港委託市場研究機構YouGov在港進行最新既網絡安全調查。調查發現58%既港人表示自己或身邊人的個人資料曾被外洩，較去年上升4%，亦有96%用戶既密碼使用習慣欠穩妥，正式敲嚮網絡安全同數碼素養既警鐘。

培育智慧數碼公民

Google旗下既下非牟利機構Google.org支持香港社會服務聯會（社聯），在現今時代十分講求數碼生活下，透過轄下社企有機上網（WebOrganic）為長者、青少年及兒童提供智慧數碼公民教育資訊。

香港社會服務聯會行政總裁蔡海偉太平紳士表示資訊科技對於青少年的學習十分重要，除左令佢地更有興趣去主動學習，仲可以幫佢地去拓闊視野以及發揮潛能，而係Google.org既資助下，社聯亦推出左機「有機上網」，等更加多青少年可以有機會接觸同學習資訊科技。截至今年5月，「有機上網」合計派發 3,000 本《數碼多面睇雙語小冊子》，為前線教育工作者及培訓人員舉辦150場網上研討會，更聯同多個社會服務單位、小學及中學製作10段有關網絡公民責任的教育影片。

免費網絡安全資源

根據Google香港網絡安全調查以及《香港保安觀察報告》既調查顯示大部份香港人對於網上密碼既使用習慣欠佳，而欠佳既使用習慣亦令到當中既安全問題擔憂，其中包括多個網站重用相同密碼；十多個網上帳戶使用相同密碼；向親友分享個人密碼。而Google一直以黎都有提供Google 密碼管理、安全檢查，安全瀏覽等安全資訊及工具，保障大家既網絡安全。同時，亦有分別64%以及39%香港人表示會考慮啟用兩步驗證及使用密碼管理員工具，亦係一個好現象。

與本地YouTuber合作推廣

Google香港亦同本地YouTuber透過「智慧數碼城市網絡安全大使計劃」去推廣網絡安全，希望藉住創意既影片，等大家睇得開心之餘又學到野！而打頭陣既小薯茄將會係11月28日晚上8點半發布影片。

小薯茄幕前成員童童及程人富就講到佢地一開始見到Google 網絡安全調查指有多達87%香港人於多個網站重用相同密碼既時候十分驚訝！而佢地認為身為YouTuber，覺得有責任為提升網絡安全而出一分力，亦提及到十分榮幸可以去同Google香港合作，擔任首位「智慧數碼城市網絡安全大使」，最後鼓勵大家多利用網絡安全工具就如密碼管理工具及兩步驗證去好好保護保護自己。