由1月7日至3月12日，置富Malls邀請到台灣【黃阿瑪的後宮生活】中的貓界皇帝「黃阿瑪」親臨香港，大家亦可以趁今次機會去到置富Malls旗下4大商場去拜訪佢地，話唔定仲可以為新一年拎到唔少「福」氣！

新年打卡點

由2023年1月7日起，置富Malls將會聯同【黃阿瑪的後宮生活】為各位呈現【置富Malls x 黃阿瑪喵運駕到】。8隻貓分別係「黃阿瑪」、「三腳」、「招弟」、「搜可史」、「嚕嚕」、「柚子」、「浣腸」及「小花」將以全新宮廷形象，帶埋老友兔子「灰胖」黎賀歲。唔理係馬鞍山廣場、+WOO嘉湖、紅磡置富都會定沙田置富第一城，都可以搵到佢地既身影，貓奴就更加唔可以錯過！

馬鞍山廣場

如果大家去到馬鞍山廣場，就一定要去睇下黃阿瑪「睡睡」平安寢宮，一眼就可以望到活潑橙襯上典雅金色既巨型貓抓架及貓屋。中殿有住威風凜凜既黃阿瑪，仲有搜可史跟小花陪伴兩側。而係黃金溫泉浴既4米多高吹氣三腳亦格外雍容華麗。

另一邊仲有貓奴必到既吸貓亭，亭頂以官帽造形設計，有住加官進爵既寓意，亭下面既招弟及浣腸正等候各喵之忠僕來派吸貓福利既同時，亦祝福各位官途亨通。嚕嚕更為大家檢查抓抓繩柱，祝願大家過一個安康兔年！

+WOO嘉湖

+WOO嘉湖就準備左幸福罐罐膳食房俾大家！膳食房黃阿瑪食住長壽麵噴泉，睇佢一條線既眼真係享受到爆！隔離仲有勁想食點心籠中美食既嚕嚕，以及靈活既柚子係麵棍端着美食祝大家廚房糧滿缸滿！

置富都會

想新一年成績更上一層樓就點都要去置富都會既至尊「肉」璽御書房！除左有黃阿瑪係到批閱奏章，仲有搜可史以超萌既肉球「肉」璽蓋章。大家仲可以去做陪玩官，陪係到玩躲貓貓既柚子同浣腸一齊放鬆一下！

置富第一城

今個新年，黃阿瑪都邀請左老朋友「灰胖」兔子去到置富第一城呼嚕呼嚕御花園遊玩，其中旋轉水車寓意風生水起，河塘小橋古意盎然。大家仲可以企係浣腸旁既荷葉上面同遊覽船上既黃阿瑪一齊影返張相！當然唔好唔記得大家都可以同三腳一齊賞花！

黃阿瑪『宮』喜發財利是封

黃阿瑪『宮』喜發財利是封總共有兩款，一款係戴上朝冠既「黃阿瑪」，穿着貴氣朝服企係代表財源廣進既元寶上，霸氣又優雅咁端着可愛小兔，並印有「八喵報喜」四個字係炮仗之上，筆迹亦充滿住童趣；另一款則以娘娘「三腳」做主角，頂着牡丹髮飾既她，一顰一笑都散發住古典美人風範，「年年有魚」四字印係燈籠之上，呼應遍地魚獲，寓意來年豐衣足食有口福！

利是封將會以吉祥既金黃色及喜慶既橙紅色為主調，藉此突顯出咁多位宮廷成員既光澤毛色，背面仲有6位可愛到爆既皇室成員：招弟、搜可史、嚕嚕、柚子、浣腸和小花，真係會得意到唔捨得送俾人！