今個農曆新年，又得意又活潑既瑞兔家族將會進駐油塘大本型商場。除左一班超得意既瑞兔會係商場等大家黎探訪，商場更加為大家準備左多個精彩活動以及賀年禮遇，等大家今個新年都洋溢住喜慶既氣氛！

五大瑞兔福運裝置

第一福就有「添福彩燈」LED氣球裝置，大家行到去商場中庭位置就可以見到一隻笑意盈盈既瑞兔登上舞台中央位置，大家仲可以輕輕一拍識變幻顏色既添福彩燈，拍得愈多、得到的福氣與運氣也愈多！

第二福就有「兔氣揚眉」十二生肖裝置，當中大家將會見到一個擁有燈籠造形既「兔氣揚眉」裝置，等一班瑞兔為大家祈福呈祥。第三福就有「祿兔糖果」豐盛全盒，大家從中可以見到5隻萌萌瑞兔正對著一個寓意十全十美和豐盛的大全盒，一隻大白兔連同全盒外5隻瑞兔，合共6隻瑞兔取其諧音「祿」，寓意兔年福祿齊來。

第四福「兔躍升空」熱氣球，到時場景之中會有一個高達八米既火紅熱氣球，以象徵新年色彩既彩雲裝飾著，將節慶分享及傳遞到世界各地。當中更有三隻瑞兔不斷向上攀升，意味兔年步步高陞、飛躍千里！

最後一福就係「財源滾滾」屏風，大家繞過中央舞台就會見到即見一面流光溢彩既屏風，屏風上面會有代表福氣瑞兔既圖騰以及多個繽紛LED球，祝願大家既財氣係新一年都可以「財源滾滾」！

三大打卡位

商場空中花園平台位置，將會有戀人必去既「玉兔望月」。當中除左會有兔年裝置，更加會掛滿甜蜜滿瀉既粉紅燈飾，戀人可以在迷人閃耀既燈光映照下俯瞰海灣夜景，真係諗到都十分浪漫！

同時，大家都可以去位於港鐵樓層60周年柱既「躍兔呈祥」，當中配置了繽紛LED球既瑞兔裝置一定可以令小朋友玩到樂而忘返，小朋友玩得開心，大家又影得開心！

而露天廣場既「瑞兔型福」，大家亦可以從中搵到萌萌瑞兔既身影，同佢地打卡留念既同時，獲得瑞兔既暖心祝福！

賀年精彩活動

係年初八正日，商場將會有麥玲玲為大家分享十二生肖兔年運程，同場亦會有幽默既Bob主持節目，更加會有許廷鏗及《全民造星III》既Judas Law（羅凱鈴）演唱多首歌曲。演唱過後，仲會有傳統既舞獅表演，為大家新年有一個好既開始！

除此之外，商場亦為大家準備左「甜甜蜜蜜慶元宵」工作坊，唔理各位想親手製作一份小禮物俾你既戀人，定同心協力一齊製作都冇問題，等大家可以過一個甜蜜既元宵節！

賀年禮遇

由1月7日至1月21日，大家只要係大本型商戶消費滿指定金額，即可換領商戶現金券。同時，1月22日至24日，商場更會有財神派送夜燈一盞或保溫瓶一個，唔理大家拎黎自用定係送禮，都係個唔錯既選擇！

而係情人節當日，商場將會送出各200束既乾花及肥皂花，同場更會有音樂演奏，等大家可以過一個溫馨浪漫既情人節！

「孔雀獻瑞」利是封

大本型商場亦為大家準備左「孔雀獻瑞」利是封，當中以百鳥之王孔雀為設計靈感，帶有喜慶華麗而不俗氣，祝願大家兔年吉祥如意。而每包6個的設計採用鮮艷奪目既顏色，亦寓意未來一年多姿多彩既生活。Domain Club會員由1月11日起憑即日$200電子消費可換利是封一包 （一包共六個），換完即止。