You are here
Home > 即時新聞 > Disney+獨家推出《Connect︰連瞳》 星級陣容搭配驚悚劇情

Disney+獨家推出《Connect︰連瞳》 星級陣容搭配驚悚劇情


早前係釜山國際電影節上廣獲好評既奇幻驚悚懸疑韓劇《Connect︰連瞳》將會係12月7日係Disney+獨家上線,當中除左係第一次由日本導演黎執導韓劇,亦係丁海寅同高庚杓既再次合作,唔知今次又會擦出咩火花呢!  




劇情撰要

《Connect︰連瞳》主要講述一位身為「Connect」種族既不死身人類河東修,佢一出世就已經擁有超強自癒超能力,但為左自身既安全,河東修一直以黎都隱藏身份。直到有一日,佢被器官販賣組織綁架並痛失右眼。當河東修係手術台上成功逃脫之後,佢意外地發現加眼被移植到連環殺手吳振燮既身上。而當中,河東修亦可以係某種條件下見到連環殺手既視角,亦令到河東修下定決心去搶回佢加眼既同時追捕依位令人聞風喪膽既連環殺手。

Connect︰連瞳



演員陣容

《Connect︰連瞳》既演員陣容亦十分鼎盛,除左有出演過《雪降花》、《D.P:逃兵追緝令》、《愉悅的音樂專輯》既人氣男星丁海寅以及曾出演《請回答1988》、《極速首爾》、《芝加哥打字機》既高庚杓,仲有曾經參演《屍戰朝鮮》、《神探具景伊》、《最完美的離婚》既金慧峻。而令到大家對依套劇咁期待既原因之一就係因為《Connect︰連瞳》既導演係曾經執導《再婚驚魂記》、《殺手阿一》及《極道恐怖大劇場:牛頭》既日本知名鬼才導演三池崇史。

丁海寅
金慧峻
高庚杓



其他精選韓劇

《Connect︰連瞳》12月7日先會正式播出,大家係依段時間都可以睇下其他Disney+既精彩韓劇,其中包括由一椿學生離奇死亡事件,而引發連串恐佈復仇事件既原創校園復仇韓劇《第三人稱復仇》,當中有由韓國新銳演員辛叡恩、羅門助陣;擁有金來沅、孫浩俊以及孔升妍,並係韓國首播收視立即登上同時段第一位既《救急先鋒日誌》,大家都可以邊睇住其他劇集黎等!

救急先鋒日誌

Top