韓劇《賭命為王》係第一季結尾留低左強大懸念，一度引發起大家既討論。等左咁耐，大家終於可以繼續睇落去！《賭命為王》第二季將於2月15日係Disney+上映，到時仲會一口氣上線頭3集！  

第一季取得亮眼成績

《賭命為王》擁有時隔25年再次主演劇集既國寶級演員崔岷植，導致係開播之前已經備受關注，開播之後，《賭命為王》亦不負眾望，以爆炸性既故事情節，令大家想一睇再睇，亦帶出一波好評。最後更加成為韓國Disney+上，收視率最高既韓國製作原創劇集（以每小時串流量計算）！

前情回顧

第一季中，韓國賭場大亨車武湜經歷起伏跌宕後慢慢爬升既同時，仲要面對高處不勝寒既暗湧。今次黎到第二季既劇情，觀眾將會跟隨車武湜，親眼睇住車武湜再度嘗試挽救自己所建立的既一切。

星線陣容

繼第一季之後， 《賭命為王》第二季既陣容亦充滿星味，除左殿堂級演員崔岷植，仲有參演《我的出走日記》以及電影《配對遊戲》既孫錫久；於《炸雞特攻隊》、《新年前夕》、《Method Acting》以及《請回答1988》中，皆有亮眼演出既李東輝；參演《魷魚遊戲》、《獵鑽緝兇》以及《Hunt》既許城泰；導演姜允成曾憑《犯罪都市》榮獲第54屆「百想藝術大賞」以及第23屆「春史電影獎」最佳新人導演獎。