Disney+係香港電影金像獎公布第41屆提名名單後，就即刻為大家挑選好4部入圍提名電影，獨家串流上線，等各位未睇過既香港觀眾都可以感受下入圍既作品到底有幾勁！唔理邊一部都係本地佳作！
《神探大戰》
今次既連環殺人案真係睇到驚心動魄！兇手係作案後留低案件編號預告下一次既犯案，令到李俊忙到唔停手！雙方鬥智鬥勇既場面真係令人目不轉睛！飾演李俊既劉青雲，更加稱得上完美詮釋出角色精髓！依套電影一共獲得11項提名，分別係最佳電影、最佳導演(韋家輝)、最佳編劇、最佳男主角(劉青雲)、最佳攝影、最佳剪接、最佳美術指導、最佳服裝造型設計、最佳動作設計、最佳音響效果，以及最佳視覺效果。
《阿媽有咗第二個》
電影講述曾捧紅多位巨星既歌手經理人余美鳳係告別職場後，因兒子即將到外國升讀大學決定重出江湖。但今次重出重出江湖，卻因為將心力全數放係新晉偶像既方晴身上，導致母子既感情出現裂痕。當中獲得4項提名分別為最佳女主角(毛舜筠)、最佳男配角(羅永昌)、最佳新演員(柳應廷)、最佳原創電影歌曲(《風雨不改》主唱：姜濤)。
《緣路山旮旯》
故事主角性格內向既阿厚，先後遇到唔理係外形、性格定背景都不同既五位女神，而佢地都係住係遠離市區既「山旮旯」到，五堂愛情速成班到底可唔可以幫阿厚搵到真愛，有一段好既戀情呢！電影一共獲得1項提名 – 最佳女配角 (余香凝)。
《七人樂隊》
《七人樂隊》聽落係七個人組成樂隊，並且十分青春，充滿活力。不過，其實佢係一部多段式歷史劇情片，由洪金寶、許鞍華、譚家明、袁和平、杜琪峯、林嶺東、徐克七人共同執導，當中更講述了香港半個多世紀既時代光影，等大家了解更多以往既香港！而《七人樂隊》一共獲得1項提名 – 最佳動作設計。
