Disney+最新公佈既短短30秒預告片中，一次過為大家呈獻黎緊2023年將會上映既精彩作品，而當中就唔可以提4大製片公司既新力作！一齊黎睇下佢地黎緊會推出咩既電影以及當中又有咩搞作！

Marvel Studios

Marvel Studios亦會係黎緊既新一年推出3套新劇，其中包括：《祕密入侵》、《洛基》（第2季）、《黑豹2：瓦干達萬歲》。《祕密入侵》由Marvel Studios原創，講述由森姆積遜飾演既費尼克再
次遇上係《Marvel隊長》出現過既外星種族斯克魯爾族，等我們可以了解更多關於善於變形既斯克魯爾人多年黎一直滲透地球既祕密行動。

而《洛基》（第2季）將會由洛基帶領於一個熟悉但又陌生既地方開展，並同Multiverse Saga既第4，5，6階段環環緊扣，稍後亦會釋放更多相關資訊！

《黑豹2：瓦干達萬歲》提及到拉蒙達、舒里、姆巴庫、奧科耶以及多拉米拉係特查拉國王去世後，為保護國家免受外部勢力既干涉而戰。當中更加講到咁多位英雄必須係戰犬納克亞及埃弗雷特羅斯既幫助下團結，為瓦干達開創新道路。

彼思動畫製作室

其中一套就係《贏定輸》。作為第一部原創長篇動畫劇集，《贏定輸》將會圍繞住中學壘球隊「Pickles」如何迎戰即將到來既冠軍賽，並以唔同角色既角度黎呈現故事，其中就包括球員、家長、裁判三方既角度。

另一部就係《德仔日記：卡叔有約》。《德仔日記：卡叔有約》源自於全球大熱迪士尼與彼思電影《沖天救兵》中為人喜愛既狗狗「德仔」既滑稽逸事，係「卡叔」卡爾費迪遜唔識同女性朋友約會既情況下，「德仔」主動介入，並協助卡叔放鬆約會前既緊張情緒，同時提供可靠實用既交友方法，作為廣大男性就必須要黎睇一睇！

華特迪士尼製片廠

全新《小飛俠與温蒂》真人版電影亦會係2023年同大家見面！當中將會深入探索温蒂與拒絕長大既小飛俠既夢幻島神奇旅程，等觀眾可以識更多小飛俠與迪士尼最經典既反派—鐵鈎船長決鬥既故事！

而迪士尼《西遊ABC》則改編自《美生中國人》，並由楊紫瓊及吳彥祖主演。當中將會講述一位美籍華裔少年希望透過認識黎自中國既新同學去改善自己既社交生活，但點知慢慢了解之後，發現對方竟然係中國神話《西遊記》中孫悟空既兒子，甚至仲邀請佢一齊搵傳說中既卷物！並由不可思議既神話以及高中備受歧視既生活，等佢慢慢了解到「做好自己」既重要性！

迪士尼亦會推出《月球奇幻之旅》，詳情都一樣係即將公佈！

Lucasfilm

Lucasfilm將會推出《曼達洛人》（第3季），講到曼達洛人同古古係重逢後，繼續展開他們橫越律法失衡既宇宙之旅，而大家亦可以去感受一下當中既宇宙之旅！

真人版《阿蘇嘉》會以羅莎莉奧杜臣作為主演。時間線則設定係帝國滅亡後，阿蘇嘉將會跟隨前絕地武士阿蘇嘉坦勞深入調查潛藏於一個脆弱星球中既新威脅。

最後一部就係《星球大戰：特種兵團》（第2季）！係Kamino星球事件既姆個月後，共和國倒下後，特種兵團繼續佢地既探索帝國之旅。旅途中特種兵團將會接下唔同既刺激任務，並同新舊朋友以及敵人相遇，遇上各種意想不到既危險！