係2022年11月25日至2023年1月2日，太古城中心將會係2樓既中庭及中橋為大家帶黎全新既文藝聖誕。唔理係想去打卡定感受文藝氣氛既你，都可以係今次活動當中感受到前所未有既聖誕體驗！     

巨型聖誕樹

太古城中心將會設立11米高既聖誕樹，當中以書頁為設計概念既主題裝置以夢幻漸變色呈現，樹頂仲有故事書作為裝飾。而係聖誕樹內亦會有糅合大型立體花朵既童話森林，令人不禁感到眼前一亮！兩旁仲會有「踏進故事大世界」巨型主題裝置，大家亦可以藉此機會去影返一堆鬼靈精怪既相！

打卡區

第一個打卡區推薦大家去到5米高既「幻彩泡泡雪人」，走入去由泡泡雪球堆砌的雪人肚子裹面，再同當中既泡泡雪球影返張相！

第二站大家就可以去到「立正!胡桃夾子」，到時將會可以睇到超過270種唔同色彩既胡桃夾子，大家仲可以去之前計劃下會想同咩顏色既胡桃夾子影相，如果唔係到時邊睇邊揀都幾花時間！

最後一站大家就可以去到「冰屋極光漫遊」，行左咁耐之後，大家亦可以坐係極地冰屋的拱頂下面，休息之餘仲可以觀賞極光隨音樂而起既萬千變化，真係又放鬆又好睇！

光影藝遊隧道

係今次既活動之中，商場仲成功邀請到唔同既本地插畫家去親繪隧道背景，每兩星期更加會一位新插畫家既作品，等大家就算再去都會感到新奇以及驚喜。同時，咁多位到訪既Story Traveller如果想整返個人專屬既聖誕彩飾都冇問題，只需要掃描場內活動二維碼登記就可以。整完個人專屬既聖誕彩飾就緊係要影返張相post ig又好，留紀念都好，為大家既Story Traveller之旅劃出一個完美既句號！