身為《星球大戰》既粉絲，大家一定已經睇曬《星戰》電影九部曲。對於第三部同第四部之間既故事或者轉折，又唔知你地點睇呢？諗好答案，再去睇《安多》，相信會帶俾你地不一樣既體會！

《安多》資訊

大家一定要好好留意時間線！《安多》既故事係《星戰》電影九部曲既第三部同第四部之間，係《歐比王肯諾比》故事開端後四年。安多全名卡撒安多（安多）係Fest星球出生，細個父母就已經離去，而佢亦係長大之後成為反抗軍的情報員。身為反抗軍，安多將會被帝國既帝國安全部既女長官追捕，不過好不幸地安多係最後一項任務完成後，壯烈犧牲。暫時已知其中兩位反抗軍成員就係Mon Mothma同Saw Gerrera，相信大家都係《俠盜一號》見過佢地，而其他既就要等到之後先知！同時，安多同以往《星球大戰》一樣，有一位叫做B2EMO既機械人夥伴，紅黑色、四四方方，大家唔好認錯！

精彩亮點

睇開《星戰》既你一定會知道《星戰》第三同第四部中間係一個充滿危險、欺騙和陰謀的時代！但同時又係希望重燃、正義再臨的前夕，《安多》可以等大家好好咁了解革命序幕掀起前既故事。同時，兩季共24集亦等大定可以了解更多關於安多既心路歷程，當中的進度都唔會太快，等大家可以更投入係當中。最後，成個劇集會由出名編劇Tony Gilroy去統籌，加上安多，Mon Mothma同Luthen Rael，大家可以敬請期待！

製作花絮

創作人Tony Gilroy講到雖然大家之前已經係《俠盜一號：星球大戰外傳》見過安多，但都想大家更了解佢既身平同性格，更重要想表達既係，成就大業既路途上會遇到好多困難，但當你成功之後望返轉頭，其實你唔單止改變左你既人生同歷史，更加為後來既人立下一個模階。而Diego Luna亦講到劇情編排十分好，如果只著重講述最後一項任務，大家也不會清楚明白到當中的意思，但正正有安多身世既鋪排，觀眾先可以真正明白！最後Genevieve O’Reilly講到以往觀眾淨係見到Mon Mothma威風凜凜既一面，但係《安多》可以等大家認識到真正既Mon Mothma，實在難能可貴，大家記得出左之後要去睇！唔睇真係會後悔架！