7-Eleven係11月尾推出左8款環保隨行袋後，今次再度推出新品，無論係限量版「mini保溫瓶」定係「小美與史力奇柔軟披肩」都帶人滿滿既冬日感覺，充滿住聖誕氣氛，大家都可以買個返去增添下節日氣氛！

mini保溫瓶

7-Eleven將會推出分別以紅、黃、藍和綠色為主調既4款限量版「mini 保溫瓶」，並附有姆明一族既人氣角色圖案以及森林系元素，瓶身採用啞光霧面質感，令大家睇落去簡潔又唔失格調。瓶內則會以食品級304不鏽鋼製造，雙層真空設計，保溫得黎仲可以保冷！而14厘米，同手掌差唔多既大細，搭配上210毫升，拎出黎都十分輕便，當中更配備密封矽膠圈及防滑底墊，連滑手都唔需要驚！

而由12月7日早上7點開始，7-Eleven亦會推出聖誕限定驚喜組合價！顧客只需要8張印花加$99，就可以隨機換購「環保隨行袋」 及「mini 保溫瓶」各1件，數量有限，換完即止。

小美與史力奇高質柔軟披肩

7-Eleven更加會為大家帶黎2款分別由小美及史力奇擔任主角既極高質「小美與史力奇柔軟披肩」，其以墨灰色及湖水藍冬日色系為主。披肩當中用到100%回收聚酯纖維製造，手感柔軟加上流蘇飾邊設計，係咁多位女性冬天入手首選！150厘米闊 x 50厘米高，唔理係當成頸巾用又得，披肩用都得，而且唔大件既因素亦令到帶去邊都冇問題，包你去到邊到都可以保溫！

由2022年12月7日早上7時起至2023年1月6日，任何消費加$88，或yuu會員以 8,000 yuu積分＋$45，即可換購「柔軟披肩」1 件。數量有限，換完即止。