Philips的畫中畫技術可以將多個畫面同時顯示在顯示屏，搞笑的是，有外國用家真係一次過將4個來自唔同系統的畫面顯示在Phillips的40寸4K曲面顯示器上面！

第一個畫面來自PC的《Prey》遊戲，第二個係PlayStation 4的《神奇男孩》，第三個則係任天堂Switch上的《瑪利歐賽車8》，最後仲有Xbox One上的《火影忍者疾風傳》，一次過玩晒4個系統的遊戲，真係名符其實的「機王」。

因為顯示器解像度為3840 x 2160，每個細畫面都可以以1920 x 1080的像素運行，而又冇任何滯後。

不過要留意，因為顯示器背後只有兩個HDMI插口，所以該名玩野用家都要特登買條active HDMI轉VGA線先連接到第三部家用機，有呢個芒又想跟住試玩的朋友仔，可能都要再比多少少錢喇。

來源：kotaku