電競熱潮持續已久，各大廠商先後推出電競產品線，鼓勵一眾玩家升級電腦設備。小至滑鼠，大至電腦椅，將打機變到好似打仗一樣，上戰場前要準備成副裝備。今次，NETGEAR 最新推出電競級WiFi路由器 Nighthawk Pro Gaming XR500，仲請咗本地女子電競隊伍 PandaCute親自實測路由器的功效。效果喺點，由PandaCute話俾你知。

XR500優化網絡傳輸

仲記得以前上網用電話線嘅年代，屋企人一打電話就會斷線，如果玩緊線上遊戲都唔慌唔嬲。寛頻年代雖然有所進步，但隨著智能裝備普及，成個屋企都靠個路由器分配流量，又睇片、又BT，攪到打機都Lag Lag吓。所以，NETGEAR今次部 XR500新增了一些功能，確保玩家進行線上遊戲暢通無阻，提昇連線速度及穩定性。

GeoFilter 拉黑豬隊友

XR 500有一個GeoFilter功能，最適合玩外國遊戲嘅玩家。香港玩家連接外國遊戲伺服器好多時會高Ping。GeoFilter可以顯示遊戲伺服器的所置地區及實時Ping Time 數值，幫助玩家選擇最近及最快的伺服器連接，更可以對特定伺服器及玩家進行黑名單及白名單設置，保持高速遊戲連線體驗。香港玩家特別唔鐘意某些地區玩家，相信哩個功能對好似我咁嘅鍵盤戰士最有幫助，將拖累遊戲嘅豬隊友全部拉黑。

打機時BT冇難度

XR 500仲有一個Anti-BufferBloat技術，當屋企流量同時分配比屋企人時，路由器會智能優先將流量分配給線上遊戲用量，確保即使屋企人用WiFi睇片BT都唔影響到玩家在線上遊戲嘅體驗，有效降低遊戲時的網絡延遲。PandaCute即場進行了一場線上遊戲，留意第一張圖，當時Ping大概保持在20左右。當開咗BT後，Ping即刻去到100，畫面Lag Lag吓。在開咗XR 500嘅 Anti-BufferBloat功能後，Ping即刻降番20左右，證明XR 500真係有用。

據知，NETGEAR XR 500定價$2588，如果你追求一流電競體驗，必定要將哩款路由器列為選購名單。老實講，小編當年如果有齊電競椅、鍵盤、滑鼠、滑鼠墊、耳機、主機、熒幕、手機等，加埋哩部XR 500，我仲唔成為世界級電競選手？