YOHO MALL由2022年11月19日至2023年1月2日起，將會推出唔同既活動陪大家過聖誕。當中除左有7大打卡點，仲會有唔同既優惠以及折扣，亦有兩個抽獎活動俾大家去試下運氣，大家亦可以藉此機會去留下回憶！
7大夢幻打卡場景
旅程一開始就緊係要去到「閃炫玻璃屋」！木系圓拱形冰屋當中帶有和暖的木柴火爐，等大家這個冬天不覺得冷。坐係冰屋之中，望住閃爍亮眼的聖誕樹以及四周既小夜燈，等大家可以有一個舒適既空間放鬆一下。
下一站大家可以去到「雙色夢之森」，20,000顆小燈泡既漸層森林大家可以一眼就睇曬，加上楓葉橘紅及銀杏黃色系既聖誕樹，唔理點影都唔會差得去邊！
行多幾步就會到達「雪人觀星席」，除左有十分得意圓碌碌既小雪人，仲有一大片金燦燦既橘黃森林中作為背景，一定要去打返張卡！
去到「炫白情人樹」，閃爍奪目的光影大樹上面掛住一盞盞迷你木屋燈飾，透露出幻化光影。當中透露出不經意既浪漫氣氛，情侶去到定必會感受到滿滿既甜蜜感！
而「極光體驗館」既極光，等大家即使係香港都可以見到咁夢幻既場景，十年難得一見，相信你都唔會錯過今次既機會！
一場黎到，又點可以唔去「聖誕星光塔」影返張靚相！當中既6米高既聖誕樹屋有節日裝飾，亦有北歐風飾，仲有過百棵聖誕樹作為背景，真係打卡既最佳地點！
最後一站，大家可以去到「巨大化聖誕國度」，10呎高既聖誕樹以及發光聖誕禮物盒隔離會有超萌雪人同大家揮手。除左有聖誕樹，仲有巨型聖誕吊飾波波，為大家今年既聖誕劃上一個完美既句號！
限時優惠
YOHO MALL仲會同旗下300多間既零售商戶及食肆推出「MEGA SALE 消費狂賞」。大家消費滿$8,000即可換領$800電子錢包贈券套裝，而豐富禮遇涵蓋美容及化妝、餐飲及零售美食、時尚及運動服裝、生活雜貨及精品等；商場更加聯乘場內星級商戶推出超過150件精選優惠產品，美妝用品、時尚服飾到最新iPhone及Mac優惠都應有盡有，其中更有星級美容商戶精選套裝低至1折發售，大家都記得去入貨！
大抽獎
除左優惠，YOHO MALL仲會同MOKO新世紀廣場推出「冬日跨年大抽獎」。由11月19日開始，The Point會員只需要係兩大商場消費滿指定金額並成功登記會員積分，就可以參加「Chill 級大獎」，有機會將TOYOTA Sienta七座豪華版、OSIM uDream Pro 5 感養身椅、iPhone 14 Pro Max等既重量級獎賞帶返屋企！而由12月1日開始，YAHO MALL更加推「即抽即獎」，於推廣期內於 YOHO MALL消費並合資格參與「Chill 級大獎」既顧客即可同時參加「即抽即獎」，瓜分6,300萬既The Point積分獎賞及各大商戶精選產品等過萬份禮遇，俾大家滿滿既驚喜！