每到四年一度嘅世界盃，每支球隊為了令到班球員專心備戰，好多時都會規定班球星喺大賽期間唔好見女朋友同太太。究竟班太太團有幾大威力，攪到班球星腳仔軟？等小編同大家一齊睇吓今屆世界盃嘅靚太團啦！
Shakira Isabel Mebarak Ripoll(西班牙 Gerard Piqué)
眾所周知，西班牙中堅Piqué除咗球技了得外，仲娶咗國際知名嘅拉丁歌后Shakira。Shakira於2011年與Piqué拍拖，仲生咗兩個小朋友。Shakira於2010年為南非世界盃獻唱主題曲Waka Waka，相信好多球迷都應該聽過。Shakira唔知唱得亦睇得，佢嘅MV經常展現熱情如火嘅性感舞蹈，難怪Piqué咁鐘意佢。
Ruby Mae(英格蘭 Deli Alli)
2016年，當英格蘭明日之星Deli Alli經歷輸給冰島的敗仗，英格蘭報章卻大字報導了Deli Alli的戀情。Ruby Mae 正印女朋友的身份正式公開。Ruby Mae雖然年僅23歳，但已經是一名超級名模，真正樣靚身材正。所以話，輸波姐，有咩所謂，有女朋友錫返。照咁睇，Deli Alli掛住條女多過場波，睇嚟英格蘭今屆都唔多樂觀啦。
Amra Silajdzic (波斯尼亞 Dzeko)
Amra Silajdzic 同樣是知名模特兒，早於2000年就已經喺法國Metropolitan Top Model脫穎而出，無幾耐就嫁咗比個商人，生咗一個女。2011年先同波斯尼亞當家球星Dzeko走埋一齊。咪睇佢已經有個小朋友，佢身材依然Keep得好Fit，為Dzeko誕吓一子一女。雖然波斯尼亞唔算大熱門，但喺Dzeko為咗個靚靚老婆同埋仔女，一定搏盡唔會失威，哩種咁有承擔嘅男人真係值得我哋支持呀！
Anna Lewandowska (波蘭 Robert Lewandowski)
話Lewandowski喺當今世上最強前鋒之一相信大家唔會反對，原來佢老婆Anna Lewandowska 一樣大有來頭，喺一名著名嘅空手道運動員，拎過唔少獎牌。佢哋嘅小朋友已經喺2016年出世，唔知佢第時空手道勁啲定踢波勁啲呢？最緊要喺佢哋嘅囡囡遺傳到佢媽媽嘅優良基因，非常得意可愛，其他嘢唔緊要啦！
Bruna Marquezine (巴西 Neymar)
上屆世界盃巴西俾德國炒七個一皮，好多人都認為係因為Neymar嘅缺陣影響所致。今屆尼馬大熟大勇再次領軍，應該有力帶領巴西衝擊大力神盃。所謂成功嘅男人背後都有個女人，Neymar近年成熟咁多同相信同Bruna Marquezine離不開關係。Bruna Marquezine經常與Neymar出雙入對，實行做個小鳥依人嘅女朋友，用愛情安撫年少輕狂嘅尼馬，令佢成為獨當一面嘅領袖。今屆世界盃，尼馬誓領巴西報上屆之恥！
