今個冬天，大家除左可以去奧海城睇足球既世界盃，仲可以係得閒既時候去同樣位於奧海城既2,000呎溜冰場。就算你唔中意溜冰都唔緊要！場內仲有唔同既體驗活動，一場去到，大家都記得去體驗下！
全新2,000呎生態環保溜冰場
奧海城場內將會有2,000呎既生態環保溜冰場，當中既環保冰採用零能耗生態環保技術同時以高密度分子結構打造，唔需要水電，等能源消耗降低至零之餘，仲可以減少溜冰鞋既刀片對冰面造成既損耗，等大家可以長溜長有，邊玩仲邊實踐環保生活既理念！而係聖誕假日期間，「花樣溜冰女神」馬曉晴仲會同一班花樣溜冰教練，學生一齊黎到奧海城，為大家帶黎精彩又專業既演出！
體驗活動
首當其衝既體驗活動就係小朋友既溜冰體驗班，4～12歲既小朋友可以係活動期間由專業溜冰教練去教授溜冰技巧，當中仲有超過400節，唔洗擔心得好少位！奧海城仲有親子體驗時段，如果咁多位家長想同小朋友一齊溜冰既話，就唔好錯過依個時刻！報名方法亦都好簡單，S+REWARDS或者係Olympian Kids會員只需要係會員手機應用程式以指定點數就可以報名參加。
除左溜冰，超巨型氣墊球都十分吸引！咁多位參加者到時可以同朋友一齊組隊，將氣墊球推入對方龍門去取勝，唔單止可以同朋友一齊玩，過程仲好刺激同興奮！
會場仲設有冰上運動挑戰站，唔理係玩節奏快速既冰球去挑戰協調性同擊球控球速度，定玩考驗大家眼界同手力既冰壺先，都可以令到大家十分享受係冬天既氣氛之中，仲有機會嬴到精美禮物！
冰球挑戰賽
到時商場仲會有3人vs 3人既冰球挑戰賽，等大家有個機會去近距離感受冰球比賽帶黎既緊張同刺激。如果球會有興趣既，都可以留意奧海城Facebook上既報名詳情。