踏入2017年想睇笑片賀一賀佢，但又未有新年賀歲片上，可以點呢？呢部《未來外父插女婿》(WHY HIM?)是不錯的選擇。

由荷里活經典王牌《非常外父揀女婿》系列編劇暨監製再度發功，主演為《127小時》奧斯卡提名占士法蘭高、人氣美劇《絕命毒師》金球視帝拜仁鈞士頓及《Party冇限耆》上位索女素兒德芝，攜手大放笑彈。

故事講述Ned（拜仁鈞士頓）探望離開老家正在大學讀書的愛女（素兒德芝），遇上愛女的矽谷新貴有錢男友Laird（占士法蘭高），點知寶貝女的男友Laird不擅交際又滿口粗口，更加成身都係紋身，性格騎呢又輕佻。而Laird更加諗住向女兒求婚，仲想得到Ned的同意，Ned當然不同意啦，於是展開大鬥法。

初初覺得《未來外父插女婿》這個香港譯名好似有點太露骨，但入場後才發現果然很符合電影內容，整套電影基本上絕大部分的笑位都是黃色笑話，不斷圍繞性話題及關於性愛的粗口，多得有點像小學雞學講粗口一樣，搞笑得來帶點稚氣，觀眾睇呢部戲只需要笑就可以了。

筆者對喜劇沒有鍾愛，不過整套戲由占士法蘭高的出色表現帶動，演活抵死又騎呢的有錢男友，跟拜仁鈞士頓嚴肅古板的外父角色有很大對比。

值得留意的是，電影尾聲更加讓經典樂團（Kiss）的Gene和Paul本尊現身客串，對於KISS的Fans或者聽過其幾首首本名曲的觀眾相信會是不錯的驚喜，《非常外父插女婿》絕對是一部不錯的笑片，啱晒一班粗口爛舌的老友一齊睇！

片名：             《非常外父插女婿》

香港上映日期：2017年01月05日 

片種：             喜劇

級別及片長：  TBC

語言：             英語

導演：             尊咸堡 (John Hamburg)

主演：

《127小時》占士法蘭高 (James Franco)

《絕命毒師》拜仁鈞士頓 (Bryan Cranston)

《Party冇限耆》素兒德芝 (Zoey Deutch)