今年黃埔天地除左會舉辦市集，仲會帶大家回到過去充滿港式情懷既生活，唔單止呈現返以前既歷史性打卡位，更加有精彩活動等緊你去玩！如果大家諗緊去邊到辦年貨，不妨都可以去黃埔天地行下！
新年市集
由1月7日至21日逢週末，黃埔天地將會聯同「愛在大街小巷中找你」，以「大街小巷」辦年貨為設計意念，並透過獨特既手繪風格，帶大家返到80年代既香港，重溫昔日既人情味。市集當中更聚集12個香港原創及特色品牌攤檔，其中包括：「到家」、「美樂士多」、「三點水料理」及「愛在大街小巷中找你」等等。大家亦可以從中買到本地特色及高質應節年貨，包括：賀年糕點糖果、經典懷舊小食、玩味賀年飾品及傳統手作擺設等，開開心心過新年！
開運打卡位
而係市集活動舉行既同時，亦都會有一系列既「大街小巷」手繪風打卡位，充滿住香港既特色，就好似「大街小巷辦年貨」、「林村許願樹」及「入廟拜神」，當中更加將舊香港具代表性既街道招牌搭配玩味新春賀詞畫成揮春，真係懷念得黎又夠曬新意思！
精彩活動
而係新年期間，黃埔天地特設兩項消費優惠換領活動，分別係「大街小巷」懷舊扭蛋遊戲，可以獲得「大街小巷」特別版賀年主題貼紙一張，以及「好運風車工作坊」，等大家可以DIY專屬既好運風車。依家只要顧客憑係黃埔天地任何商舖以電子貨幣消費滿$200或以上之電子貨幣付款存根或交易紀錄頁面及對應商戶同日之單一機印發票，就可以換領「大街小巷」懷舊扭蛋遊戲券或好運風車工作坊入場券一張，大家記得趁新年都去玩下！