《亞洲素食展2023》即將開幕 食玩買攻略大集合

第九屆亞洲素食展就開始啦！今年既規模更加係比以往更加盛大，更加多野買，更加多折扣優惠，大家記得睇完做好筆記，到時2月17日至19日去灣仔會展Hall 3FG入場掃貨！  

限時活動

今次既2個活動都吸引到爆！打頭陣就係「Dreyer’s大放送」，只要大家係展會現場以Facebook或Instagram打卡發佈貼文，標記亞洲素食展，並hashtag「#亞洲素食展」、「#素之奇遇」及「#VegAdventure」，再到展位K25向工作人員展示，即有機會獲取DREYER’S REAL DELIGHT PLANT-BASED系列冰凍甜點杯或雪條1份。購票入場既觀眾亦可親臨A09 Dreyer’s攤位，憑劵免費換領DREYER’S REAL DELIGHT PLANT-BASED系列冰凍甜點杯或雪條1份。優惠每日數量有限，送完即止。

第二個活動就係有獎問答遊戲，只要大家答中問題，就有機會獲得總值超過港幣5萬元既獎品！其中包括：Royal Life NMN 200,000mcg(價值$2,480)、素馬遊世界旅遊現金券(價值$1,600)、香港海洋公園標準門票兩張(價值$996)、素馬遊世界旅遊現金券(價值$800)、素滿福袋(價值$800)、植物性美容福袋(價值$600)、常素福袋(價值$500)

而每日首100位入場既觀眾提供精美禮品包一份，大家想要禮包既話就記得準時入場！同時，大家記得只需要係2月15日或之前預早到網上登記，即可索取免費門票！https://www.vegfoodasiahk.com/pre-registration

工作坊

亞洲素食展更加會有「品味工作坊」及「綠色工作坊」兩個工作坊等大家可以盡情體驗多個美食及手作！有興趣可立即登入網站連結報名！https://www.tasteofveg.com.hk/categories/vfa2023-workshops

 

各大展商優惠

到時候，多個展商將會免費送出商品，只要大家親身到達攤位，就可以領取展商準備既贈品。其中MantraPharm只要購買任何兩樽品牌產品，即送價值HK980既身體檢查一次！其他贈品類別如食品、保養、清潔用品等亦非常吸引！

除了贈品外，展商亦都為觀眾提供最優惠價格入手優質產品，$1，3折，7折都有！其中喜樂茶舍有限公司推出以港幣108既「古樹曬紅・茉莉窨製」茶葉；迪高（香港）發展有限公司推出以港幣135既迦勒 — 青海野生黑杞子；永昇海外（亞洲）有限公司就以港幣80的健康火車水沖益生菌乳酪，以優惠價$140買四送一等等，都相當吸引！

五大類別優質素食產品大賞

第一類素食煮意提倡既係方便快捷半成品，啱曬各位生活忙碌既打工仔，有即食包就好似素檸檬雞丁、素咖喱巴東羊，簡單加熱就食得，亦有手工製作既餃子、健康無負擔既醬料任你揀！

第二類嚐啡品茶提倡既係素食者也能飲「齋」啡、嘆靚茶！展會內會有專業沖調用燕麥奶，代替一般咖啡所用既牛奶，等素食者都可以飲！另外亦有保健茶及花茶等多種飲品，讓大家都能嘆靚茶！

第三類輕食/零食提倡既係解饞得黎，食得健康又開心！現場多個展商都會推出健康美味無負擔既零食，有每日係自家工場新鮮製造既鳥結酥，亦有以非油炸方式製作而成既爆米花等等！

第四類生酮專區提倡既係多元化純素產品，新興食物健康之選！公眾可以從中搵到多元化產品如有機奇亞籽、生酮杏仁醬等等，等大家有更多唔同選擇，對生酮飲食有興趣既人都可以試下！

最後一類保健美顏提倡既係植物製優質補充品，讓你由內靚到外！展會將會有提高免疫力既沙棘籽油、延緩衰老既NMN12000+PQQ、減少黑眼圈既眼霜等，亦會有齊內服外用既額外補充品俾大家選購！