經過一系列新年活動，終於都黎到甜絲絲既情人節。今個情人節，荃灣廣場為大家準備左「藝遊春日」情人節限定版，各位情侶除左可以參與６大有獎攤位遊戲，更加可以到工作坊製作禮物並注入心意。

至Sweet攤位遊戲

2月11及12日，荃灣廣場L5空中樂園將會特設6大至Sweet攤位遊戲，歡迎各位伴侶一齊攜手挑戰6個好玩得黎又充滿寓意既有獎攤位遊戲，當中包括：「幸福許願陣」、「球球甜蜜」、「一心一意」、「『鎚』傳鎚到」、「心心相印」及「蜜運成功」，增進感情之餘，仲可以贏取豐富獎品！The Point會員即日以電子貨幣消費滿$50並即場登記積分，即可參加攤位遊戲，參加任何4個遊戲，就會再送HK$20商場時尚生活電子禮券！

情人節限定工作坊

2月5日至11日，荃灣廣場亦為大家準備左「氣球夢工場」及「情人節工作坊」。大家可以係「氣球夢工場」親手製作花花氣球係現場打卡，更加可以去到「情人節工作坊」親身拜師學習點樣去製作手工意粉、保鮮花香薰放濕機及布藝心意棒，為2月14日既情人節禮物做好充分準備！

2大打卡點

兩個打卡點，分別為「甜蜜櫻花幻境森林」以及「光影星之道」。「甜蜜櫻花幻境森林」360度都係桃花，等大家係繁忙既日常生活之中，都可以放慢步伐，欣賞一下沿途既桃花美景，同另一半盡情打卡影相！

「光影星之道」則準備左眾多粉紅色系燈飾，以及可愛度十足既愛心、甜品、獨角獸等霓虹燈俾大家，保證走進「光影星之道」既各位情侶，都可以俾戀愛甜蜜既氛圍包圍，同另一半一齊渡過溫馨浪漫既時光！

音樂匯演

如果大家係2月14日情人節正日既晚上6時至8時去到荃灣廣場L1中庭，更加可以聽到Rex Music 管弦樂團為大家呈獻既情人節音樂匯演，當中將會演奏一系列動人情歌，為大家送上甜蜜既氛圍！