松露作為珍貴既食品，相信大家都唔會想錯過！黃埔天地黎緊12月17、18、24至27日將會帶黎松露盛宴，當中除左有松露市集，唔同餐廳更加推出唔同松露美食供大家選擇，中意松露既你記得把握機會！
冬日松露市集
活動期間，黃埔天地美食坊一樓中庭即會有俾松露包圍既「冬日松露市集」！當中更有8個特色檔攤進駐，保證大家一定搵到自已想要既一款，自用定送禮都冇問題！其中包括：AMHKMALL、營火食品、Aroma Truffle、Kai’s Gourmet等等。除左睇，到時市集更加會充滿住松露既香氣，就算唔買去睇下都冇問題！
全新松露主題菜單
而同時，黃埔天地更加會聯同5間西餐廳推出全新既松露主題餐單，大家都唔好錯過！其中包括：Black Sugar Coffee — Truffle Mushroom Risotto、Truffle Cream Soup；Amber’s Table — 鵝肝意大利飯配黑松露汁、黑松露蘑菇薄餅；FLAMES — 新鮮黑松露蘑菇薄餅、新鮮黑松露蘑菇扁意粉、黑松露薯條等。當中既新奇美食搭配上松露既香味，真係令人一試難忘！
限時消費回贈
如果大家係活動期間係黃埔天地兩間不同既商舖，並合共消費滿港幣$500或以上，就可以換領指定松露辣醬或松露茄汁一枝。不過每日換領數量有限，換完即止。當中既松露辣醬係以優質辣椒加上精選上等松露製成，無論大家係想用黎烤肉、搭配牛扒或薯條都係十分之適合；松露茄汁則散發著陣陣松露香氣，並將蕃茄味瞬間提升至另一層次，營造出多重口感俾各位識食之人！