TinyTAN將會破天荒黎到香港，2023年3月10日至4月16日期間，7位勁可愛既TinyTAN特地黎到LCX同大家見面。到時大家除左可以同佢地影相，更可以去期間限定店購買香港限定精品，各位BTS粉一定唔可以錯過！
3大打卡點
第一個要同大家講既打卡點就係《Dynamite》造型既TinyTAN。今次7位TinyTAN角色將會化身成近1米高既立體公仔，以《Dynamite》MV既經典造型，並擺出可愛表情以及酷炫舞姿同大家見面！大家除左可以到LCX同佢地合照，更加可以帶埋自己既TinyTAN係唱片店前打卡，重現MV中既名場面！
第二個打卡點就係Magic Door，TinyTAN將會為大家呈現《Dream ON》MV裡面既紫色場景，並帶當中夢幻既紫色巨型鯨魚黎到LCX。只要點擊現場熒光幕上既「Magic Door」，TinyTAN便會穿過魔法大門現身。黎睇下邊一個TinyTAN角色會穿過魔法大門同大家影返張相！
最後就緊係要去「TinyTAN FUN PARK Hong Kong LCX」期間限定店！期間限定店以《Butter》MV為靈感，有近百款日本直送精品，包括《Dynamite》及《Butter》既主題精品，當中更只有4款期間限定既香港限定商品，記得帶佢地返屋企！
雙重特别活動
第一陣特别活動就係收集手幅為TinyTAN應援。到時LCX將會係指定日子提供以《Dynamite》及《Butter》為主題共三款既香港限定手幅，手幅可於LCX場內免費索取。數量有限，先到先得，派完即止。大家可以拎住手幅同TinyTAN合照，並標記LCX就可以！三款限定手幅分別為：
- 《Dynamite》款應援手幅A（2023年3月10日至3月19日）
- 《Dynamite》款應援手幅B（2023年3月20日至4月2日）
- 《Butter》款應援手幅（2023年4月3日至4月16日）
而第二彈活動就需要大家尋找TinyTAN蹤影。如果大家係活動期間下載COCOAR應用程式，大家就可以係LCX尋找7個指定圖像，再用COCOAR應用程式既拍攝功能影低，相應的TinyTAN角色就會在手機螢幕中「跳」出來，同大家打招呼，並同框合照！大家記得係今個活動盡情捕捉虛擬世界既TinyTAN！
「TinyTAN FUN PARK Hong Kong LCX」期間限定店
位於尖沙咀海港城海運大廈三階 LCX既期間限定店，將會係2023年3月10日至4月16日開設，開放時間則由上午 10 時至晚上 10 時，毋須入場費用，如果大家想查詢，亦可以致電3102 3668。期間限定店商品包括：
- TinyTAN 3D文件夾【LCX香港限定版】HK$60
- TinyTAN香薰蠟燭【LCX香港限定版】HK$170
- TinyTAN杯墊【LCX香港限定版】HK$170
- TinyTAN環保袋 【LCX香港限定版】HK$170
- TinyTAN 18cm公仔 HK$210/隻
- TinyTAN充電器 HK$290/個
- TinyTAN玻璃杯 HK$110/隻
- TinyTAN亞加力膠鎖匙扣 HK$70/個
- Butter造型TinyTAN 18cm公仔 HK$220/隻
- Dynamite造型TinyTAN貼紙(隨機款式) HK$50
- Butter造型TinyTAN咕𠱸套裝 HK$210/套
- Butter造型TinyTAN亞加力膠立板 HK$120/個