由12月13日至2023年1月31日，T.O.P將會為大家呈獻【T.O.P x 十字牌 • 想你身體健康過冬日】，大家可以趁今個聖誕假期去影返幾張靚相，亦可以透過消費去做善事，一舉兩得，何樂而不為呢！ 

兩大打卡點

大家到時可以先去到位於商場1樓既「奶裏只得我共你」戀人小屋，當中十字奶屋仔盒將會放大成為一間2.5米高既小屋，裹面更會以純白棉花及柔美吊燈營造出一片軟綿綿既雲海，唔理係打卡定係享受氣氛都可以滿足到你！

而另一個打卡點就係位於商場5樓空中花園既「味來見」神奇時光隧道。大家到時將會見到由過百個十字牌紅色牛奶箱逐個裝嵌建成既時光隧道，搭配上浪漫又時尚既霓虹圖案裝飾，以及被繁星燈帶點綴既夜空，場景亦格外顯得十分之浪漫！

消費善事齊齊做

為左等大家更加明白保育既重要性以及「人牛共生」既鄉郊傳統，T.O.P同「香港牛物種保護協會」合作，並係商場4樓特設專區，等大家可以有機會了解更多！除此之外，T.O.P亦推出一系列既消費捐贈活動，顧客係場內消費滿400元或以上，就可以獲得以4隻大嶼山現存野生牛既證件相片特製而成既獨家限量版扭蛋，內藏「牛牛我愛你」磁石貼。同時，每換領一隻扭蛋，T.O.P會同時捐贈一份牛草予「香港牛物種保護協會」。

而如果顧客係場內既時尚服飾商戶「ZenS」購買  ZenS x 十字牌 Tee / 衛衣、於餐飲商戶「呦呦鹿鳴布丁燒」購買期間限定口味、於「一芳」購買黑糖粉圓系列及芋頭系列既指定飲品，或於多國菜Fusion餐廳「LAB EAT Restaurant & Bar」購買十字牌特製既雞尾酒及無酒精雞尾酒，所得既部分收益（最高達50%）將撥捐「香港牛物種保護協會」，等大家消費既同時都可以做善事去幫助牛牛！