11月16日香港Disney係登陸一週年既同時，亦係兩大超級英雄巨星擔網既挑戰紀錄片上線日期，唔理係「雷神」基斯咸士禾夫《基斯咸士禾夫挑戰極限》定係「死待」賴恩雷諾士《小球會大明星》都有唔少精彩看點！
《基斯咸士禾夫挑戰極限》精彩重點
今次「挑戰極限」系列之中，基斯將會挑戰不同的「長壽」任務，期間仲會大騷肌肉，大家仲有機會見到佢既麒麟臂以及完美體格！當中仲邀請左英國的著名極限運動員Rossy Edgley去教基斯高空繩索攀爬，Rossy Edgley以前亦創下不少壯舉，例如：157天一直沒有上岸成功「環游」英國一圈的第一人；19小時完成攀登相等於珠穆朗瑪峰高度的繩索，相信一定十分有睇頭！
而驚險任務陸續有黎！基斯仲會前往北極接受終極冷療，在負36度的峽灣中游泳；於樓高80層的摩天大廈之上沿著起重機行走；峽谷上懸垂的100英呎繩索攀爬等等，整個過程都會由基斯親身上陣，作為觀眾既我地都為基斯擔憂。
雖然過程中不斷挑戰極限，但基斯既兩位親生兄弟以及相愛十多年的妻子在節目中亦會相伴，令到基斯更加奮力去突破極限，亦為左有更加多時間去陪伴家人去努力。節目中基斯更流下男兒淚，大家一定要追緊每一集！
《小球會大明星》精彩重點
當中身為「死待」既賴恩雷諾士唔倏演員走黎做球會班主，大家可以一齊估下到底會唔會同佢做演員一樣做得咁好！賴恩更加同素未謀面，只係一直係社交平台聯繫既網友，喜劇感十足既洛麥艾漢尼一起做班主，唔知又會擦出點既火花呢！
賴恩同洛麥買入既域斯咸係世界現存既第三大古老職業足球會，又俾人叫作「紅龍」，現時係英格蘭足球聯賽系統第五級既英格蘭足球議會全國聯賽中競逐，曾在1975年以威爾斯盃冠軍身分打入歐洲盃賽冠軍盃8強，之後曾征戰次級聯賽4季，但好好彩既係當地人對球隊十分支持及熱愛，唔知兩位又可唔可以帶依對球隊到返以往既高度，足球係咪真係可以聯繫世界呢！
不過其實賴恩係一開始收購球會既時候並冇同佢既老婆碧琪麗芙莉商量，但依家已經俾賴恩對足球的熱情而感動，亦轉為全力支持並成為最佳波友，仲會入場睇比賽，相信大家到時都會俾賴恩的足球狂熱而感染到！