由即日起至3月5日，新都會廣場為情人節準備左一連串等情侶可以手牽手一同遊歷既活動以及４大浪漫得黎又甜蜜既打卡位，當中三大水果車站裝置更稱得上係IGable既打卡勝地，等情侶們過一個充滿溫馨既情人節。
四大浪漫打卡位
第一個「風鈴車站裝置」，情侶們除左可以係裝置外面同充滿特色既「520」車站牌合照，仲可以入去裹面，感受一下由含有思念愛戀意思既風鈴所帶黎既清脆聲。
第二站「士多啤梨車站裝置」，就緊係會有一個大大既士多啤梨係到等候大家！行入去士多啤梨裹面，更加會有士多啤梨造型咕𠱸以及閃爍亮麗既燈飾，保證大家既戀情都可以好似士多啤梨咁甜！
第三站「鳳梨車站裝置」，特色牆上寫住「Love is like a pineapple sweet and undefinable」，除左形容鳳梨又甜又酸既味道，更加係初戀男女忐忑心情既寫照，以及對未來既未知。
最後一站，大家可以去到「粉紅心形鑰匙特色打卡牆」，場景內將會有大型心心及心形愛情鑰匙，搭配上「It’s always better when we’re together」既字句，象徵「打開」愛人心扉以及守護愛情。另一邊就會有心形既櫻桃，祝戀人永結同心，唔理大家黎打卡，定黎坐下談心都十分之浪費！
戶外星空影院
而為左同大家一齊迎接甜蜜情人節，新都會廣場將會係2月11至12日 (6pm) 以及2月14日 (7pm) 係 L4 露天廣場設置別具特色既戶外星空影院，播放飯氣攻心。各位情侶到時可以係漫天星宿下一齊欣賞浪漫電影以及品嚐美食，共同渡過歡度溫馨時光。
如果大家即日以電子貨幣消費滿 HK$3,000，可以係專屬私人觀賞區享受頂級娛樂體驗及餐飲小食 (２位用) 。完成電影體驗後，更可獲合共 HK$200 電子餐飲贈券。而 The Point 會員亦可憑 500 積分去換領優悠座位區入場證。
２大溫馨情人節活動
新都會廣場 L5 空中花園更加設有士多啤梨園，滿滿既士多啤梨係到等緊大家去打卡留念！有士多啤梨園，就緊係有「士多啤梨導賞團」，等大家可以親手採摘士多啤梨，享受一下士多啤梨所帶黎既甜味！
另一個活動就係鏡繪工作坊，各位伴侶亦可以為身邊人製作濃情蜜意既小禮物，以彩繪創作於鏡面上，一邊繪畫一邊望著鏡中反映既你及伴侶，並同打造深情時刻。
The Point 會員限時換領
由即日起至2月28日，The Point 會員即日電子消費滿 HK$1,000，即可換領 HK$50 商場「花團‧美賞」電子贈券。消費滿 HK$6,000，更可換領 HK$100 新地商場贈券及 HK$100 商場「花團‧美賞」電子贈券，每日名額有限，先到先得，換完即止。