各位打開機都明白鍵盤既靈敏度同滑鼠既重要性，特別係進行緊極限操作既時候更加明顯！SteelSeries新推出既兩個鍵盤系列相信都啱曬各位打機迷既心水，哪怕你係要去打比賽，都十分之實用！
Apex Pro TKL 電競鍵盤系列
首先講下依個系列既Apex Pro TKL Wireless無線電競鍵盤（HK$2,599），佢用既係OmniPoint2.0既技術，當中既按鍵可以承受高達1億次既按壓，加上2.4GHz 的Quantum 2.0雙無線技術同TKL既精巧造型，簡約就係佢地既風格。同時，鍵盤上既OLED智能顯示屏除為玩家帶來即時既遊戲和聊天資訊，等大家可以完美跟得上隊友既步伐，仲減低玩家需要縮細畫面既需求，亦降低中斷遊戲既可能性。想知實唔實用？FaZe Karrigan之前就係用依款鍵盤去嬴CS GO既比賽，而依系列既另一個鍵盤 Apex Pro TKL電競鍵盤（HK$1,999）亦配有OmniPoint 2.0技術，可以俾玩家係0.2mm同3.8mm既啟動同深度按鍵之間調整，依一個keyboard亦為玩家空出更加多既桌面空間，打比賽完全冇問題！而佢都會有Apex Pro TKL Wireless無線電競鍵盤既OLED智能顯示屏，大家可以睇下中意有線定無線！
Apex 9 電競鍵盤系列
Apex 9 TKL 電競鍵盤（HK$1,499），聽個名都知道佢就係為電競而生。當中不佔用空間既設計，令到滑鼠移動更加舒適、方便同靈活，仲有人體工學，唔怪得咁多電競選手都用佢。同時，佢都有SteelSeries既突破性OptiPoint光學，等各位玩家可以有更快既反應，當然唔少得材料既防褪色同出色既耐用性。另一個就係Apex 9 Mini電競鍵盤（HK$1,399），Mini就緊係迷你，依個鍵盤佔用既面積係一般電競鍵盤既60%，提供更多空間俾滑鼠。而自訂的OptiPoint按鍵就有低至0.2毫秒既反應時間，加上低延遲既Zero Debounce功能，俾玩家帶黎更好既遊戲體驗。最後，依個鍵盤亦有耐用性、品質和聲音而聞名既PBT鍵帽，睇啱心水就趁依個機會買返去！