今個聖誕，上水中心購物商場（SSC）及新都城中心一期（MCPOne）將會為大家帶黎Wonderful X’mas聖誕嘉年華，當中除左有環保市集等大家可以買野，兩個商場更加會有打卡點俾大家影相！更加唔少得聖誕節既限時消費回贈！
「冬日漫遊減碳市集」
MCPOne將會係12月24至27日，而SSC則會係12月31日至明年既1月2日舉辦「冬日漫遊減碳市集」。當中亦有唔少充滿住綠色又有特色既攤檔，其中包括：舊衣改造布藝飾品、家居環保蜜蠟布、再生紙造手作，天然有機護膚/美妝品，以至小朋友至愛環保畫簿及自家製木玩具等等，各位家長仲可以帶小朋友去揀取心水既綠色產品去支持本地創作以及環保！
熱門打卡點
而MCPOne同SSC亦設有打卡點等大家係依個聖誕假期影相，留返個美好回憶！MCPOne將會設有「天荒地老 • 鹿遊摩天輪」，大家去到見到3米高既巨型摩天輪，又點可以唔去影返張靚相！而SSC亦會為大家呈現「旋木 • 鹿想飛翔」，當中一班聖誕麋鹿會係迴轉木馬上歡騰起舞，見到都想衝埋去同咁可愛既聖誕麋鹿合照！
限時消費回贈
12月10日至明年既1月2日，逢星期六、日及公眾假期將會有「Happy Holidays! 消費賞」。如果大家係SSC消費滿HK$400或以上／MCPOne消費滿HK$300或以上就可以獲得$50指定商戶現金券；如果大家係SSC消費滿HK$700或以上／MCPOne消費滿HK$500或以上亦會拎到冬日窩心香氛禮盒，禮盒包括：香氛蠟燭、乾花飾件、簡約陶瓷杯以及毛巾，實用性十分高！
同時，無論係SSC定係MCPOne都會設有「最高消費賞」！單日電子貨幣消費總金額最高既顧客，仲有機會獲得Glamping首選、超吸睛觀星波波營「牧緣田里悠然6米星空營（4人1晚）連風味碳爐燒烤晚餐」，大家不妨都可以試下去登上第一名！