由2022年11月27日至2023年1月2日，Sonny Angel將會登陸上水廣場陪大家過聖誕。當中除左會有一系列既打卡點以及遊戲俾大家玩，顧客仲可以憑消費金額去換領限定禮品，當然唔好唔記得2樓同5樓都會有打卡點！
8大打卡地點
到時係2樓中庭，「情迷白日夢水晶球」會有以雪人造型現身既Sonny Angel係3.5米高水晶球既雪地上面迎接大家。之後，我地就可以去到「觀星光影月亮」，而Sonny Angel亦會變身為聖誕小鹿造型，陪住大家一齊去睇星海傾心事！而千變萬化既Sonny Angel即將係「粉炫光影隧道」之中，變為聖誕老人，為大家施展魔法，帶大家走入去不一樣既粉炫世界。除此之外， 大家仲可以去到「粉紅變裝魔法」既小小變裝室，體驗一下成為萬人迷既感受！
而5樓既晴空花園，大家亦可以去到「天使雪の屋」，一邊享受七彩雪花從天而降，一邊坐上雪靴，係冬日雪地上以360度飛馳！最後一站，大家不妨去到戶外花園既「冬日守護天使」，沿著星光之路搵夢想中既守護天使，同天使拍下甜蜜照片，迎接幸福滿載既新一年！
好野又點止得咁少！「天使禮物大放送」等大家以發射顏色聖誕球去擊中聖誕樹頂上相同顏色既裝飾球去得分，玩完仲可以拎到小禮品，只要場內消費滿指定金額即可參加！而「幸福販售機」，大家就可以去到販售機試試自已既運氣，當中仲有出售Christmas Ornament Creature Series！
限時換領
唔同時刻，上水廣場亦會有唔同既換領優惠，大家記得要睇清楚！其中包括：由11月27日起，即日消費滿HK$3,500，就可以換領Sonny Angel Christmas Ornament快樂聖誕限量套裝（名額：45份）（包括Christmas Ornament系列人偶盲盒（2盒、款式隨機送出）及 原創木製聖誕樹）；由12月10日起，即日消費滿HK$2,500，就可以換到Sonny Angel聖誕暖笠笠咕𠱸（馴鹿款及星星款） （名額：每款120份）；由12月17日起，即日消費滿HK$2,800就可以換到Sonny Angel多用途旅行收納包（2色）（名額：每款200份）！
DIY工作坊
而係2022年12月4、11、18以及25日，上水廣場仲設有Sonny Angel閃亮派對DIY工作坊，咁多位家長仲可以趁依個機會同仔仔囡囡一齊黎繪製獨一無二的Sonny Angel並貼上小裝飾，打造閃亮派對服飾，為今個冬天留低一個美好又難忘既回憶！