《THE FIRST SLAM DUNK》電影黎緊將會係香港上映，雖然依家未有得睇住，但陸陸續續都有唔少既活動可以玩住先！當中仲有機會可以得到限量珍藏版電影換票證連明信片套裝以及優先場名額，大家唔好錯過！
與湘北高中籃球隊成員打卡
信和集團商場將與羚邦映畫合作，係旗下尖沙咀中心及帝國中心戶外巨型幕牆播放《THE FIRST SLAM DUNK》宣傳片。一班湘北高中籃球隊成員將會在巨型幕牆中逐一登場，包括湘北既宮城良田、三井壽，流川楓，赤木剛憲及櫻木花道。
到時大家成功同屏幕上既其中一名主角或《THE FIRST SLAM DUNK》主題合照，並上載到個人Instagram，以及 hashtag #thefirstslamdunk #Medialink #MedialinkFilms #sinomalls#Splusrewards #Foodieplus，並成功獲得50個或以上讚好，即有機會獲得獨家限量珍藏版換票證連明信片套裝。
《THE FIRST SLAM DUNK》首映禮
《THE FIRST SLAM DUNK》群星首映禮將會係2023年1月4日晚上9點係奧海城二期地下中庭舉行，到時一班人氣偶像將會化身為SLAM DUNK小粉絲，同大家講下對電影有咩期望，亦會同大家一齊感受SLAM DUNK既回憶同熱血故事。現場觀眾仲可以係430吋大電視一同欣賞電影宣傳片，而線上粉絲則可以到Ani-One Asia Youtube觀賞直播。
S+ REWARDS會員著數
咁多位S+ REWARDS會員今次可以透過「Foodie 食家」以優惠40點數換領《THE FIRST SLAM DUNK》獨家限量珍藏版電影換票證連明信片套裝，其他會員需以80點數換領。當中既全套明信片包含了5名主角既型格肖象，包括宮城良田、三井壽、流川楓、赤木剛憲及櫻木花道，限量1,200套，換完即止。
同時，S+ REWARDS「Foodie 為食家」亦可以憑100點數換領《THE FIRST SLAM DUNK》優先場入場券一張（只限三場），有得搶先睇之餘，仲可以享用小食一份及獲贈特別版電影手幅！
除此之外，憑全港任何戲院的《THE FIRST SLAM DUNK》門票或票尾到奧海城、屯門市廣場及荃新天地禮賓處，即可得到Slam Dunk Fans勳章，有Slam Dunk Fans勳章既S+ REWARDS會員即可憑5點數更可換領獨家限量版「《THE FIRST SLAM DUNK》防水筆記簿型電腦貼紙一套」。
而如果大家係奧海城 the sky、屯門市廣場StagE、英皇戲院（荃灣荃新天地）或筲箕灣GH Galaxy以正價購買2張《THE FIRST SLAM DUNK》戲票，即可獲贈獨家型格「《THE FIRST SLAM DUNK》燙金利是封」，數量有限，換完即止。
Olympian Kids 會員限定
Olympian Kids會員可以用30,000 Kids Points或S+ REWARDS 300點數，換領全港首個《THE FIRST SLAM DUNK》親子場入場券兩張，家長可以趁依個機會同小朋友一齊睇戲之餘，仲可以感受主角倒熱血奮鬥精神，以及獲贈《THE FIRST SLAM DUNK》童裝及成人 T-Shirt 各一件,再加送特別版電影手幅。
籃球隊專屬場次
為左鼓勵學界籃球隊隊員係籃球既付出，以及支持佢地繼續努力落去，奧海城特別安排免費專屬場次予中學籃球校隊隊員。每間學校最多可獲10個名額，包括一名領隊及最多9位籃球校隊隊員，名額共10間學校，如報名學校超出名額將以抽籤形式選出。