拎左唔少獎而且受到大眾喜愛既Roguelike射擊遊戲將會係2023年登陸PC。雖然未推出，但係今日亦公佈左相關資訊，大家亦可以係等既時候睇下，第一次玩既玩家更加可以睇埋故事內容！
《Returnal》PC版本
繼2021年係PS5推出並受到大家喜愛之後，Housemarque亦打算推出《Returnal》PC版，等各位電腦玩家都可以玩埋一份！其中PC版本將會針對PC規格加以調整和升級，確保玩家可以享受到最流暢既遊戲體驗！當中更會以Housemarque既尖端技術去為各位玩家製作出更豐富既豪華功能，就好似難關重重既薛西弗斯之塔以及線上合作模式。
遊戲介紹
相信都會有玩家係首次遊玩《Returnal》，可能對故事內容唔係咁了解。故事講述玩家將會同塞勒涅一齊降落係阿特羅波斯既神秘黑暗行星上，而塞勒涅除左面對陷入難以逃脫既循環，仲要面對宇宙恐怖的險境。玩家需要係令人戰慄既遠古環境中應付一波波來襲既彈幕地獄，並係當中打倒眾多殘酷無情既敵人。
本作既核心在於動作遊戲，從中反映出塞勒涅點樣透過面對這趟旅程中既掙扎，來明白到自己身處既困境，作出相對應既解決方法。此外，遊戲中亦有第一人稱既場景，等玩家去探索一棟熟悉既房屋，去了解主角既內心世界，大家亦可以藉此明白到有時候眼前既一切唔一定係你見到既咁樣，甚至連你體驗到的故事都有不同既詮釋方式。