唔理係outlast定the walking dead，都未必夠依隻game恐怖！每行一步都感受到黎自地獄既呼喚，一唔留神就會倒係冰天雪地之中，不停流血致死！不妨黎睇下「溫特斯擴充包」既內容！
「蘿絲之影」
「蘿絲之影」係遊戲其中一個主線，講述蘿絲為左封印佢與生俱來的特殊「力量」，決定進入遊戲中的「意識世界」，即菌主記憶的世界。而依個世界係充滿住來自異形既危險，其中之一就係來自地獄既噬面者，一旦遇到人類就會吸乾佢地既所有生存氣息，「菌核」亦會聯手異形，擋住你既去路。只有 手槍、少量子彈同急救藥品既你會點樣去應付依班地獄使者？當然蘿絲亦有一股力量可以暫時停止異形的動作，等玩家可以實行一擊必殺。
第三人稱視角模式
第一人稱唔夠？仲有第三人稱俾你眼白白經歷伊森的死亡之旅，以一敵百可以做到，俾一大班噬面者圍堵亦都做得！同時，玩家仲可以見到伊森被襲擊的情況，感受一下伊森無法逃避既絕望！
傭兵模式——追加命令
當中包含個性十足既克里斯．雷德菲爾、海森伯格同蒂米特雷斯庫夫人。克里斯．雷德菲爾係一名槍械專家，同時亦可以展開近戰，佢既直拳除左有高攻擊力，仲充滿住拳拳到肉既快感。玩家如果直接打倒敵人，仲可以幫克里斯「猛攻計量表」積累更多！而阿契娜．蒂米特雷斯庫高9英尺，等你望向敵人既時候，個個都同螞蟻一樣咁細隻。中央下方的計量表亦會顯示快感值，愈高當然愈痛！最後一位，卡爾．海森伯格最中意就係用大錘，透過不繼攻擊敵人去累積電荷，一揮直接電死周圍的敵人。大家睇完想了解就記得到時去遊戲到親身經歷一下佢地既劇情，話唔定真係會嚇死你！