有玩PlayStation既大家，今日登入個時應該會見到有一樣野叫PlayStation Stars。而中意買game，玩game同探索唔同遊戲既你就記得唔好錯過機會加入，把握時間去拎到唔同既數位收藏品！
PlayStation Stars推出詳情
PlayStation Stars係唔同地方都有唔同既推出時間，而亞洲於10月29日已經推出，唔知大家又登記左未呢？雖然PlayStation Stars可以免費加入，但係大家記得要有PlayStation Network既成人帳戶先得！想加入既只需要透過iOS和Android既PlayStation App或者前往playstation.com都可以加入，不過主機裝置就暫時仲未有。當你加入之後，就可以透過完成唔同既活動黎得到獎勵，例如「每月報到」活動中，只需要玩任何一款遊戲就可以獲得獎勵；「1994年熱播歌曲」就需要會員根據歌曲給出的線索去揀返正確既遊戲啟動，當然答啱亦會有特殊既收藏品。
PlayStation Stars獎勵
當中會有兩種獎勵，包括積分同數位收藏品。積分可以換領目錄品項，例如PSN電子錢包資金和精選PlayStation Store產品。而數位收藏品就係以美麗加數位化既方式再現PlayStation粉絲中意既人事物（遊戲和其他娛樂內容的人氣經典角色模型）。而玩家都可以收集唔同既收藏品，再去PlayStation App既展示櫃擺放獲得既數位收藏品。如果想俾其他人睇都冇問題！只要你將展示櫃設定為公開就可以。而今日加入既玩家可以直接獲得「觀星者望遠鏡」， 當中《Ape Escape 2》已經有唔同既數位收藏品等緊大家，記得拎到想show俾人睇要設為公開！
狀態等級
PlayStation Stars會有4個狀態等級，而你既里程碑，稀有獎盃數，完整遊戲數量將會決定你既狀態等級。你既狀態等級越高，就會有愈多既福利和權益。而當你達到某個狀態等級後，係當前日曆年的剩餘時間以及之後額外13個月，您都能維持在該等級，所以大家都唔洗驚好快就會降級。