新年新正頭，想嚟緊一年有好運氣，就一定要識著衫。今次 PC3 搵到一班美女，話俾大家聽著衫嘅重要！因為新年，當然要著得好好睇睇，唔止出街果時要紅噹噹，就連係屋企都要，話唔定仲可以行番個桃花密運，隨時生個狗仔狗女添！
你哋有冇諗過點解新年要著紅色衫呢？原來中國文化入面，中國人都習慣著紅色衫過喜慶節日。因為紅色除了有喜慶、成功同吉祥象徵外，更加有驅邪護身作用。所以，每逢年三十，中國人就會穿上紅色內衣，繫上紅色腰帶或飾物，以迎接本命年，認為咁樣就可以趨吉避凶，消災解禍。
至於新年著新衫起源，就要講到「除夕」。「除夕」中的「除」字有去的意思，除夕的意思是「月窮歲盡」，每個人都要除舊迎新，有舊歲至此而除，來年另換新歲的意思，是農曆全年最後的一個晚上。所以活動都圍繞著除舊迎新，消災祈福為中心。每個人都要用新事物嚟開一個好年。所以過年穿新衫原因就喺咁解。
講完故，大家記得搵件紅色衫著，咁樣新一年新開始，先會轉個好運。小編都喺度祝大家新年桃花滿滿，個個身體健康，恭喜恭喜?