唔少討論區網民都好鍾意用「Sad Frog」惡搞回應貼文，無論在外國或者香港都好有人氣。不過以後就未必有得玩喇，全因為原作者Matt Furie宣佈「Sad Frog」會入土為安。
在新漫畫，「Sad Frog」瞓在一個開了蓋的棺材中，而他的朋友在附近一起哀悼，更加一邊飲酒一邊將酒倒在他的臉上，表示哀悼。
「Sad Frog」原名Pepe the Frog，原本係漫畫「Boy’s Club」的角色，原作者原意希望為Pepe the Frog營造成可愛的卡通角色，並唔係網民們惡搞的悲慘形象。有外國網民更加將Pepe the Frog的形象演變成反猶太人等不同政治意味，原本作者都以為只係一股熱潮，點知往後只衍生出不同負面意思，負面形象沒有退卻，最後令作者要處死Pepe the Frog。
不過，相信呢啲小事網民應該都唔會理吧。咩話，死人都照玩？真係好Sad囉。
來源：The Verge