《保鑣救殺手2》作為最狂野又爆炸性的動作喜劇，一定係以嘴炮王保鏢米高拜斯更瀨嘢更燥底的遭遇作為序幕–佢嘅人生已經壞咗，現階段佢最唔想遇到的，肯定係當初令佢陷入低潮的人–至尊殺手達利基奇。
原本為3A級別的極品保鑣拜斯，仍然面對著他的人生危機與及大量未見成效的治療… 他的保鑣執照依然被釘，他的信念變得脆弱，他已經一段日子無買過新西裝，最大件事係佢晚晚都發夢見到佢死敵基奇… 搞到拜斯的治療師亦束手無策唯有叫佢去意大利卡布里放大假完全忘記「保鑣」呢兩個字–但係有條件，除了忘記，仲要卸下武器，唔可以開槍用武力，趁呢段時間靜一靜，尋找佢內心的「聲音」…
另一方面，拜斯的死敵基奇，個個都想佢死，就連佢同老婆索妮亞去蜜月都俾黑手黨大佬Carlo手下捉走，剩低索妮亞獨力諗住救夫。但奇怪在，Carlo陣營的殺手竟然叫索妮亞找拜斯幫手救人？然後，拜斯同索妮亞大搞一場破壞後就成功救出基奇。事態當然無咁簡單，Carlo後面還有更大黑手，三人更不幸地遇上忠耿獲國際刑警Bobby O’Neill–原來，克羅地亞正受到不明的新科技網絡攻擊。可惜拜斯同基奇錯手殺死O’Neill的線人，令到三人被（逼）招攬幫手力圖粉碎背後更大更bad陰謀。拜斯發現這任務仲觸碰到佢的「家庭」–就係佢老爸！而索妮亞洲發現，得罪前男友的下場真係可大可小…