新冠疫情既情況下，市民大眾既消費模式亦由線下轉為線上。有見及此，百佳亦投放更多心力係網購平台之上，並宣佈正式更名為「PNS 網購」。當中更加採用先進技術，為顧客帶黎更優質既購物體驗。
全新PNS網購中心
百佳網購平台將會進行大改動！除左會由「百佳網店」改名為「PNS 網購」，並會更新標誌設計以及採用全新網址同埋應用程式。再者，全新既物流中心以及超過100組既強大送貨車隊，亦可以等顧客係早上11時前確認既訂單可以即日派送。而 PNS 網購現時提供超過15,000種貨品，日常生活雜貨、食品、急凍海鮮、保健品、寵物用品定係護膚品都有，總會有你想要既野！
而百佳為左慶祝依件盛事，亦會推出限定優惠。1月13日至2月8日期間，大家只要透過「PNS 網購」或 「PNS 應用程式」成功送出訂單，並且每張訂單消費指定貨品淨值滿港幣$200，係結帳時輸入優惠碼「GET200」，就可以得到一張$100 PNS 網購送貨到府電子優惠券及兩張$50百佳門市電子優惠券。
進一步完善用戶體驗
全新既 PNS 網購物流中心亦會建立一套完善既供應鏈，等百佳可以更全面透過需求預測以及實時庫存顯示等系統，去進行補貨／買入，令貨物供應更快更穩定。除此之外，「PNS 網購」加入更多人性化既元素，包括實時顧客服務以及即時回覆顧客查詢，等顧客可以有更好既網購體驗。
以可持續發展為目標
網購物流中心除左會將循環使用狀態良好既紙箱作包裝外，更特別採用蜂巢緩衝網格機將廢棄紙皮以製造紙箱內既防撞物料，藉此減少浪費。同時，PNS 網購物流中心更採用 LED 照明，並設置環保節能吊扇加強空氣流通，以減少能源消耗。此外，全新 PNS 網購物流中心將會增聘逾100個工作職位，並聘請聾啞人士，以及特別培訓顧客服務團隊，協助視障人士網上購物，去創造出共融社區。