《海賊王ONE PIECE》既熱血冒險故事一直以黎都受到大家喜愛，而香港作為《大海賊時代！亞洲巡迴展》既亞洲首站，各位粉絲都可以由12月3日開始到iSQUARE國際廣場4樓去打卡並且探險，創造屬於自已既冒險故事！
One Piece巨型雕塑登陸專區
會場將會展出12個角色大型雕塑既全球首展，搭以16個主題專區，當中更神級還原經典篇章以及場景，等大家可以體驗草帽小子既冒險世界，其中包括「空島沉浸體驗」、「再見前進號」、火拳艾斯被囚禁既「海底大監獄」、瑪林科特「頂峰戰爭」、與四皇之一大媽海盜團對決既「圓蛋糕島」，以及與「百獸」怪童激戰既最新篇章「和之國」篇等等。場內更加會有氣勢磅礡既音樂，等大家可以更投入係各個專區之中！
AR以及實體遊戲
為左令成個氣氛更加真實，Incubase Studio仲特登設計手機應用程式，大家只需要係進入會場前下載，到達相應專區後掃描遊戲QR Code，就可以挑戰懸賞遊戲！場內一共會有4個AR手機及4個實體遊戲主題專區，形式亦十分有趣，就好似第5展區既「草帽小子一伙 – 動感回顧！」會邀請參觀者模仿草帽小子一伙既經典動作，形神俱備者可得到更高分數；14展區「勇闖和之國」考驗參加者既專注與靈敏度；15展區「和之國花都嘉年華遊戲」既實體遊戲，則會考驗參觀者既技巧與身手！
《ONE PIECE 海賊王》期間限定店
由即日起到2023年2月28日，展覽區旁邊將會設有《ONE PIECE 海賊王》期間限定店，當中更發售超過100款主題精品，當然唔少得今次特展獨家發售的紀念品！各位One Piece粉絲一定唔可以錯過今次既機會！另外，MIRROR成員Anson Kong既個人自創品牌KYUBI亦會係期間限定店推出「KYUBI x ONE PIECE」系列商品，咁多位「生粉」都記得黎捧下場！