OK便利店係1月19日至2月15日將會為鏈鋸人粉絲帶黎限定週邊！當中除左會有兩款香港首賣產品，另外三款亦都十分實用以及充滿收藏價值，咁多位粉絲記得去「OK齊齊印／OK Stamp IT」應用程式「智易買平台」儲齊五個！

電鋸造型抱枕

作為香港首賣，OK齊齊印會員可以優先預購既鏈鋸人電鋸造型抱枕（HK$250／件），當中既靈感係黎自主角淀治變身成鏈鋸人既電鋸手，將大約70cm既電鋸型抱枕套係手上面，更加可以令到你暖笠笠，想懶洋洋咁訓個晏覺，用黎做枕頭簡直冇得頂！

萬年曆

鏈鋸人既萬年曆（HK$125／件）一樣係香港首賣，OK齊齊印員優先預購。新一年又點可以冇新日曆，除左有最基本既日曆作用，日曆上更加會有齊主角淀治、波奇塔及一眾公安對魔特異4課成員，等《鏈鋸人》陪你一齊行過全新一年！

環保袋

而鏈鋸人環保袋（HK$110／件）實用得黎都十分之可愛！大家到時一打開，立體可愛既波奇塔就會變成環保袋。袋身設計上以波奇塔作為主角，搭配上黃橙配色，拎住佢行街，絕對搶眼得黎又靚爆全場！

多用途斜孭袋

鏈鋸人多用途斜孭袋（HK$180／件）則會係正面印有鏈鋸人，一個字講曬就係型！而且尺寸小巧，容量適中，啱曬大家日常使用。而另一面就會採用透明設計，等大家可以作「痛包」用途，唔理大家想扣入襟章，定展示心愛既公仔同鎖匙扣都冇問題！

角色立牌

鏈鋸人角色立牌（8款）（HK$120／件）將會搭配上黑色底座，以及半透明彩色背影，型得黎仲十分適合用作收藏，當中一眾角色亦會有全新設計，包括：鏈鋸人、淀治、真紀真、早川秋、帕瓦、姬野、東山小紅、岸邊隊長，一眾公安對魔特異4課成員角色立牌，作為忠實粉絲既你又點可以唔買返個返屋企！