母親節快到了，人人都計劃狂花錢大肆揮霍祝賀母親節，如果你冇銀冇工返點算？唯有諗下計仔打動母親。所謂：「女人用水造」，媽媽生下你，永遠是最愛你的人，所以母親節當前，平時做慣衰仔的都一定要做返小小野，讓媽媽開心。
所謂「女人用水造」，「物輕情意重」，其實要令母親大人開心，重點在於打動，不在於花費。小編寫下幾項冧母親絕技，不要小看以下小功夫，隨時令母親感動流淚，老懷安慰，打動母親的力量比去吃高級中餐更有效果。最重要的是一毫也不用花，避免人逼人去餐廳排大隊鬥高消費又勞氣，不值得呢！不如買多隻Game玩下好過啦。
絕招一：糖黐豆，媽媽需要你永遠貼著她
從我出世的那一天，直到我現在所擁有的一切，都是妳給我的。無論世界如何改變，甚至香港被邊緣化，媽媽，我只想跟妳說：「辛苦你了，我親愛的媽媽，祝願妳永遠健康，永遠在我身邊！」
絕招二：向親友展示你與母親愛的合照
一張合照勝過千言萬語，借機會用手機跟媽媽合照，然後用美圖秀秀執靚佢，記他加一些感人字句，例如：「母親，我超愛你呀！」當然一定要在親友間的社交媒體上分享，讓大家知道你真的花了好多功夫，好有孝心。
絕招三：陪媽媽去街市兼賣口乖
陪媽媽去街市買餸。除了幫手拿菜，也幫手揀菜，在買餸時順便吹番幾句冧母親的說話。「我識揀，老闆吾該幫我揀條又肥又大的魚呀，媽媽最愛吃魚啦。」老闆一定搭一句咁乖陪媽媽買餸，你就一定打蛇隨棍上，回應：「係呀，媽媽好辛苦呀，吾來過街市都吾知買菜咁難，媽媽好叻好偉大。」就算你無錢叫媽媽出錢買，她被你冧到微開眼笑，都不用你出錢了。
絕招四：免費按摩服務
真係吾想搞咁多野，就提供免費按摩服務吧。拿條熱毛巾，一路按一路為她熱敷雙眼，當然又要吹番幾句冧母親的說話。「媽媽辛苦你啦，等我幫妳按摩，那裡骨頭實、筋肉痛呀？」最重要是拿盤熱水，幫她洗腳，然後做腳底按摩。你這麼體貼她的勞苦身軀，一定令她心甜不已，永遠都記得這難忘時刻。
最後一招，煮飯比母親吃。屋企有乜煮乜，好不好味是其次，最重要是跟母親說：「天天煮飯辛苦妳了，今天就讓我煮一餐給妳吃吧，好好休息一下。」煮甚麼？雪櫃有乜就煮乜，無的話，煮出前一丁公仔面都可以，媽媽一定吃得好滋味。