做會員賺積分換禮物就聽得多，但唔知換種籽你又有冇聽過呢？南豐集團推出左全新既會員計劃，等大家係消費既同時，唔單止支持本地綠色企業，仲可以利用當中得到既種籽去幫助有需要既人！
NF Touch南豐會員計劃
成為會員之後，就可以邊Shopping邊儲分！會員係南豐集團旗下商場消費每HK$1就可以獲得1 NF Point；250 NF Points就可以換到1 NF Token；1 NFT oken可轉換HK$1消費額！除左儲分，會員仲會有唔少既獨家功能，例如：搶先登記旗下商場舉辦既工作坊，手機點餐外賣自動功能等等 現時會係Nan Fung Place及將軍澳廣場優先推出，黎緊10月南豐紗廠亦會加入。即日起至10月19日仲有迎新活動，只要係時段內下載並成為會員，就可以得到HK$20電子餐飲優惠券、1,250 NF Points以及100顆愛心「NF種籽」！大家住得近既都可以去睇下！
綠色生活
計劃當中更有活動去支持綠色生活，會員除左可以透過每天步行8,000步、睡滿7小時或做20分鐘瑜伽去賺取5顆「NF種籽」，仲可以透過支持綠色商店、捐贈食物、參與回收減廢去獲取「NF種籽」。同時亦有唔少中上環及荃灣區既綠色商店都有加入依個計劃，衣食住行既商戶都有！大家去消費仲可以賺取「NF Points」及「NF種籽」，支持本地企業既時候，自己又有得益！
關懷社會
講左咁耐NF種籽，相信大家都好想知有咩用！種籽最後會變成愛心善行分享俾，從而去幫助有需要既人，其中機構包括「聖雅各福群會FOOD-CO」、「心靈雞湯慈善基金會」、「保護遺棄動物協會」。500顆「NF種籽」就可以換取一份食物包給予有需要人士；330顆「NF種籽」就可以為特殊學習需要小朋友提供一節課堂訓練，會員亦可以選擇助養被遺棄的動物一個月。到時仲會有三星期既展覽，等大家了解更多有關保護遺棄動物協會、心靈雞湯慈善基金會以及救世軍循環再用計劃，知道相關機構既詳情之餘，仲有機會身體力行做慈善，簡直一舉兩得！