各位大朋友、小朋友，唔知你地又係唔係熱浪同薯條迷呢？係既話咁一定要留意下卡樂Ｂ既全新單品！話唔定之後你食得太多薯片，都會想轉下口味，食下熱浪味既薯條！
全新產品
今次卡樂Ｂ將會聯同宅卡Ｂ薯條推出全新產品「卡樂Ｂ宅卡Ｂ薯條（熱浪香辣味） 」，當中唔單止保留卡樂Ｂ最經典既熱浪香辣味，外表包裝仲保留左宅卡Ｂ一直以黎既企身袋裝風格。而係包裝上亦都會印有宅卡Ｂ薯條既人氣角色Jagabee Potta。大家食卡樂Ｂ薯片就食得多，但係依個聯合推出既薯條話唔定都可以試下佢！
獨有口味
薯條當中仍然會有熱浪口味，獨特既香料風味配上辛辣作點綴，勾起大家回憶既同時又令人一試難忘！今一次將香料落到由原隻馬鈴薯製成既香脆薯條到，食落去除左鬆脆唔油膩，仲有「熱浪」獨特調味料作為加分位，真係聽到都流曬口水！話唔定到時試完之後，大家都會去超市買返幾箱返屋企，邊睇戲邊食就最正！
產品詳情
「卡樂 B 宅卡 B 薯條 (熱浪香辣味)」係一個企身袋裝，大家到時記得小心咁去搵，唔好認錯左做其他包裝！裹面有５小包，就算係細食既朋友都唔洗驚食唔曬要扔左佢，可以分開幾次慢慢食！為左追求最新鮮既品質，佢係由香港工場新鮮生產，大家都唔需要擔心到底放左幾耐或者仲好唔好食。係10月中旬，我地就可以係唔同既超級市場、便利店同零售店見到依一個全新口味既薯條，想試下既大家記得留意下！