中意睇愛情劇既各位由今日起又有多一部劇集追黎睇下，《戀與槍彈》當除左有唔少既令人響往既戀愛畫面，當中仲會有性感女神馬場富美加既大膽19禁演出，女大學生與黑幫大佬，到底會擦出點樣既火花？
劇集內容
《戀與槍彈》係由箕野希望創作既日本同名暢銷漫畫改編而成，相信如果大家有睇過漫畫既一定對依套劇十分熟悉，即將可以未卜先知都唔意外。劇集當中講述女大學生百合日思夜想，只係為左遇見一個真正愛佢既真命天子。而係百合日思夜想既其中一晚，百合係派對之中無意被一班黑幫糾纏，但又戲劇性地被另一黑幫「櫻夜組」既大佬櫻夜才臣救左出黎。雖然櫻夜作為黑幫大佬，但佢既一舉一動都展現出佢既風度翩翩，令到百合深深愛上左櫻夜，隨後兩個人就展開左一場激情又危險既禁忌之戀！
劇集演員
既然講到男女主角，又點可以唔講下到底係由邊個去飾演！黑幫「櫻夜組」既大佬櫻夜就會由斯文貴氣既日本「音樂舞台劇王子」古川雄大反形象飾演，而女大學生百合就會由性感女神馬場富美加飾演，相信有一直支持兩位演員既大家都已經等左依套劇好耐。劇中兩人仲會挑戰自我大膽演出，仲會有唔少激情既床戲！《戀與槍彈》將會由Disney+獨家播出，如果大家想睇，可以由即日起去到Disney+到睇返兩位係劇中既精彩表演！