兩年前任天堂推出複刻遊戲主機 NES Classic Edition(歐版)，結果火速售罄，買家就算炒價賣貴一倍都照殺，甚至連手掣都難逃清空，以為絕版之後會一直炒？雖然任天堂上年就宣佈停產，但就算停產，亦都可以再產，任天堂日前就宣佈複刻遊戲主機 NES Classic Edition 將會在下月 29 日在展開新一輪銷售。
NES Classic Edition 設計精美，內裝三十款經典 NES 遊戲，如果經改裝，則能夠自己入 Game，另外支援多人遊戲功能，但由於只有一個手掣的關係，玩家只好額外入手多一隻手掣。NES Classic Edition 只會在北美地區開售，所以身在香港的玩家只好入手水貨，如果兩年前未有入手，今年就要去 Game 鋪問問水貨。