超大型擴充內容《MONSTER HUNTER RISE: SUNBREAK》既免費更新內容係今日公佈，唔知大家又睇左未呢！除左推出全新魔物，係唔同既範疇上都有變動，就好似盟友任務，傀異調查等等，相信大家都要花少少時間去適應下！
追加魔物
今次更新後，將會有特殊個體魔物「混沌黑蝕龍」以及擁有超越傀異化力量的古龍「鋼龍（傀異克服）」和「炎王龍（傀異克服）」。混沌黑蝕龍係黑蝕龍成長為天迴龍的過程中遭受阻礙墮落而成，所以佢維持著黑蝕龍既姿態，但係又蘊含天迴龍既強大力量，但由於無法駕馭自身的力量，大家時常都會見到佢痛苦而凶暴既模樣。
大家對抗傀異克服古龍既時候都要小心，當佢地既怒氣到達顛峰時，就會觸發「傀氣脈動狀態」，大大提升佢地既超常能力，需要持續攻擊，先可以解除狀態！「混沌黑蝕龍」既任務需達到MR10或以上方可承接，而「鋼龍(傀異克服)」和「炎王龍(傀異克服)」既任務則分別需要達到MR120和MR140或以上方才可承接。
盟友任務範圍擴充
依家除左盟友任務之外，大家仲可以同盟友一齊解Master Rank集會任務、傀異任務和傀異探究任務。不過只有係「盟友同行任務」中加深了牽絆的盟友先可以共赴任務，如果獵人想同盟友一齊共赴任務，記得要先去「盟友同行任務」解鎖！
傀異調查內容擴充
傀異任務將會追加 EX★7，並開放俾異研究等級達到LV181或以上既玩家。當中大家可以去挑戰棘茶龍和嗟怨轟天怨虎龍等「傀異化魔物」，大家去挑戰既時候都唔可以掉以輕心！另外，傀異探究任務既等級上限將會開放至LV200，有更緊張感既魔物對戰之餘，仲可以拎到新既傀異素材。
除此之外，玩家仲會有新功能去調節現有傀異探究任務既任務等級。玩家可以根據目標魔物以及任務內容在相應既等級範圍內進行調整。但由於報酬金額和素材會根據等級而變化，所以記得配合目的並調整等級再去試下新功能！如果大家應付唔到，隨時都可以回復至調整前既任務等級。
而可使用傀異化素材進一步強化裝備武器傀異鍊成既各強化項目等級都有擴充。係「傀異強化」中，亦會追加全新既強化方法，玩家亦可以係「防禦力」或「技能」兩種中選擇，縮小強化項目既範圍，可能會更加易打造出所需既狀態。
發售付費新增內容
付費下載內容之中，會有以魔物為主題的「追加外觀武器 玩偶系列」，除左有住得意既外觀，係收刀同拔刀既時候仲會有「追加外觀武器 玩偶系列」既音效！當中有音效既14種武器種類已經全新登場，唔理大家想單獨購買，定一次過買14種武器組合包都冇問題！
係變身外觀裝備，大家亦唔好錯過「火芽」，不過大家睇「火芽」既同時，都可以留意下獵人和隨從既外觀裝備、髮型、追加動作、追加姿勢、追加貼圖、追加 BGM，以及「接待員琪婕」和「巴赫里研究員」既追加語音等等，真係應有盡有！